Э хьуькуьм эн серкори Дербенде бири гуьрдлеме шегьерие оголзереие комиссие, комики гIуьзет сохде омори пуьрсуьшгьоре э гуьнжо овурдеи ве гировундеи васалине оголзереи одомигьоре э лешгерие гъуллугъсохи, комики гировунде омори серворевоз Дербенде Ханларе Пашабекове ве нушудорегоргьой бинелуье десдегьо, жугьобдорлуье э песой барасилуье веровундеи хьуькуьмлуье везифегьоре.
Э товун корисохи хьозуьрлугъи эки васалине оглзереи мэгIлуьм сохди лешгерие комиссаргьо шегьергьо Дербенд, Дагестанские Огни ве Дербендски районе Кудрат Гасратов. У хэбер дореи э жиге бирегоргьоре э товун сохде оморе коргьоре эсер э кор венгесдеи кори сохдеире дуь э екиревоз э соводие идорегьоревоз ве ихдиёри гъэреул сохдеие идорегьоревоз, комикигьо фуьрсоре оморе э зофру биреи гъэдере жовоне одомигьоре, комикигьо вирихденуьт эз оглзереи э жергей Уруссиетие Лешгери.
Бирмундеи жигегире серворе хьуькуьме шегьере В.Зейналове, сернуьше шегьерие несиете келетегьоре Г.Гаджимурадов, сервор Дербендски автошколе ДОСААФ З.Атаев, подполковник човуче М.Султанов эхир гьеммере пуьрсуьшгьоре, комики бесде оморе э корисохие лойевоз оголзереие компани: эз мэгIлуьм сохдеи одомигьоре те омореи э оголзереие комиссие ве гьобул сохдеи гъэрорномегьоре эсер барасигьо медицинеие фегьмсохи. Пуьруьшсохи гьишди веди сохде гьисдигьо четинигьоре ве э пушо норе рэхьгьо угьоре эз гурунди гирошдеире.
Гировунде артигьо гуьрдлемере, сервор Дербенде Ханлар Пашабеков жейле риз кешири гереклуьи пурлуье кори сохдеи дуь э екиревоз шегьерие хьуькуьме, лешгерие комиссариате, ОМВД ве соводие идорегьоре. У бирмунди, чуьки дусдие кор гьеммей десдегьо гьишдени веровунде хубе гировундеи оголзереие компани. Эзуш бэгъэй, Х.Пашабеков э пушо нори желди берде вэхьзие-вэхьзи сохдеие коре, комики фуьрсоре оморе э хуьшде вогосундеи жовоне одомигьоре э жергей Ерэгъленмишие Гъувотгьо.Гъобул сохде гъэрорномегьо ве э пушо нореие везифегьо корисохигьо огол зере э кор венгесдеи барасилуье веровундеи оголзереире ве кумекии доре э гуьнжо овурдеи ватанхогьие гъэножогъи эки лешгерие гъуллугъсохи э гъэд жовонгьо Дербенде.
