126 жэгIметие жигегьо мибу тозе дегиши венгесдеи э Догъисту э 2026-муьн сал. Э товун эну э корисохи гуьрдлеме артие несигIэте Минстрое республике ихдилот сохди жигегир министре вокурдеи, архитектуре ве ЖКХ Рустам Магомедов.

Э и войгегьо пушоки дире дануьсдеи 989,3 миллионе.

Э проект бэхшвегири сохде 39 муниципальни соводигьо: 10 шегьергьо районгьо, э у гъэдер – 23 бинелуье беделе, эже мибу тозе дегиши венгесдеи 60 жзгIметие жигегьо. 41 е гъэдер мескен бири вихде одомигьоревоз э бараси гъиметдии сесдореире, комики гировунди омори е сал песово.

Э гьонине вэхд гировунде оморе боржберие жирей корисохи эсер вихдеи овурде расундеие идорегьо.

Чуьтам мэгIлуьм сохди Рустам Магомедов, э песой е гъэдер вэгIэдо веровундеи миллетлуье проекте «Хуне ве шегьерие иловле» эз 2019 те 2024-муьн салгьо э гъэд федеральни проекте «Э гуьнжо овурдеи хубе шегьерие иловлере» э Догъисту веровунде омори тозе дегиши венгесдеигьо 316 хьэётие жигегьо ве 834 жэгIметие иловлере э 10 шегьергьо ве 39 муниципальни районгьо.Э гуьнжо овурде омори хубе иловлегьо эри форигъэти эки 2 милн одоми.