Пенж догъистунигьо бисдо Игидгьой Уруссиет.

Буьлуьнде гlуьзетлуье нум верзуьнде оморет: Ярамир Темирханов, Султан Сулейманов, Хантемир Султанов, Курабек Караев, Сухраб Ахмедов.

Диеттеш омборте 13,5 гьозор верзуьнде омори хьуькуьмлуье бэхшгьоревоз эз сергуьрдеи СВО.

80-сали Барасире фирегь нушу дори э Догъисту.

75 гьозор одоми бирет бэхшвегир э акцие «Гlэжелсуьзе полк», э Каспийск гировунде омори Парад Бараси, акцие «Гlэлем Бараси» лов сохде омори э гьемме Софунлуье Кавказ. Гьермегьине муьзде дореи ветерангьо зевер бири те 50 гьозор монет.

Владимир Путин гировунди корисохи вохурдеи э Сергеем Меликовым.

Э Догъисту вокурди 14 школе ве 4 гlэили богъче.

Диеш дегьигьо объектгьой данани вокурде оморенуьт, э у хьисоб «Школе 21». Республике гlуьзет сохде омори э гlэрей суьфдеигьо э гьеймогьоине жире школегьо э Уруссиет.

Кумеки дореи э бэхшвегиргьо СВО:

э кор венгесде омори программа параменди «Вегирлуьи догъгьо»;

зевер сохде омори региональни муьзде дореи лешгерчигьоре;

кифлетгьой лешгеригъуллугъсохгьоре доре омори гьемметарафлуье кумекии;

э пушолуье фуьрсоре омори дегьигьо гьозор тонн гуманитари кумекии;

диеш зиёдте вокурденуьт Богъчегьо ёргири ве сенгъ ёргири хэтнуьвуьси;

сергуьрди корисохи тозе гьеймогьоине лешгери софхоне.

Вокурде гоф сохдеи дуь эекиревоз: Сергей Меликов гоф сохди э ватандашгьоревоз э вэхд дузе риз ве руй бири э гьерсалине фуьрсореиревоз эки Хэлгъи Гуьрдлеме.

Э Догъисту э кор венгесде омори Новолакски ВЭС – дуьруьжде объект тозеден сохде энергетике э Уруссиет.

375 жовоне кифлетгьо ве садигьо зигьисдегоргьо хэребеи гьемхуней зигьисдеи е ченд кифлетгьо Каспийск вегуьрдет очоргьо эн тозе хунегьо.

Когъозгьо э товней тозе хуне вегуьрдет омборте 150 етимлуье гlэилгьо.

Сергуьрде омори вокурдеи дуьруьжде э Уруссиет сафарчи – Каспийски экуьнди гъирогъи кластер.

Минкини Догъистуре нушу дори э Миллетлуье бинелуье мескен «Уруссиет» ве э мейдон МИД РФ э бэхшвегири посолгьо эз е ченд дегьигьо вилеетгьо.

Вокурдет тозе цех завуд «Догъисту Шише Гъоб», логистически бинелуье мескен Ozon ве вокурде оморение комплекс «Каспийск».

Экуьнди э 100 млрд монет фуьрсоре омори мол сэхьиблуье молведешендеи, фурухдеигьо расири 776 млрд монет. Бэгъдовой омборе вэхд поюндеи тозеден э кор венгесде омори Кубачински шекуьлкеши комбинат.

Э кор венгесде омори 9 км тозе мошинирэхь гъирогъгешдеи Хасавюрте.

Вокурде оморенуьт иловлеирэхьи Дербенд ве тозе рэхь эки порт, э фегьм сохи – проект иловлеирэхьи Махачкале. Гьемме вокурде омори ве тозеден гъуьчсохи омборте 22 км рэхьгьо, гъуьч сохде омори 442 км.

Республике дарафди э дегьигьо хубте регионгьо э хубе рэхьи тургьо.

Руз зугьунгьой хэлгъ Уруссиет мибу гировунде гьерсал э руз хьэсуьл омореи Расула Гамзатова.

Республике желдлуь кор сохде э 56 вилеетгьоревоз.

Догъистуни десде сер кешири

Y – Беларусь,

OM – Оман,

IR – Иран,

AZ – Азербайджан.

Э нубот хуьшде э Догъисту оморет нушудорегоргьо Иран, Пакистан ве Беларусь, корсохгьо гlэрейхэлгъи СМИ.

Махачкале тозеден дегиш бире: э шогьнишон дегиш бири тегьер рэхьбери, нисд сохде омори садигьо гъонунсуьзе вокурдеигьо, э рэхь кори ведарафди омборте 100 тозе автобусгьо.

Э Каспийск 5000 одоми вечири дуьруьжде ифтар эз нумине Сергей Меликов.

Кошде омори 520,5 га тозе богъгьо.

Э кор венгесде омори гьеймогьоине мейвогьомбор э 12,5 гьозор тонн, гъэдер молведешендеи хоригъуллугъсохе мол зевер сохди э 276 млрд монет. Тозеден э хуьшде дировунди Кукунински консервни завуд.

Э Догъисту гирошди дуьруьжде жерге коргьо региональни ве федеральни риз гъэдерлуьи:

Каспийски цифровой гуьрдлеме,

Догъи гуьрдлеме,

Гуьрдлемегьо «Каспий», «Вокурде оморе Догъисту» ве «ДагАгроКаспий».

XXV Уруссиети бирмундеи гусбендгьоре ве буьзгьоре, видовусдеи Dagestan Wild Trail, «Огни Дербента» ве «Атлетика-2025», фестивальгьо Тэгlди видови Игидгьо, DAGFEST, Рузгьо сипре девдогъгьо, Портпетровскигьо Гуьрдлемегьо.

Барасигьо э спорт:

Ислам Махачев бисдо суьфдеи дуьжергеи чемпион UFC эз Уруссиет. Хьуьрметлуье нум э гуьнжо овурдеи вегуьрди Магомед Анкалаев. Догъистунигьо барасилуь бирмунуши бирет э чемпионат Европе э боржбери ве чемпионат гlуьлом э бокс.

Шамиль Исаков ве Мадина Сатушиева – чемпионгьо XX Сурдлимпийски возигьо.

Догъистуни десде бири бэхшвегир э:

MITT-2025;

Форум «Уруссиет – Ислами гlуьлом»;

ПМЭФ;

КИФ;

бирмунуши «Суьрхине поиз»;

Мошини орине;

Форум БРИКС;

Гlэрейхэлгъие бирмунуши хоригъуллугъсохе технике.