Песини э 2025-муьн сал гуьрдлеме э гъэрушуйнаркотически комиссие э Республике Догъисту гировунди вице-премьер Рамазан Джафаров.
Бинелуье гъосуьтгьоревоз эри пуьруьшсохи бири веровундеи корисохигьоре э 2025-муьн сале республикански госпрограммегьоре «Э гъэршуй кори сохдеи гъонунсуьзлуье э кор венгесдеи наркотикгьоре, гъэлхэнди наркоманире, хоси ве и э хуьшде дировундеи наркомежбурлуьигьоре э РД» ве екейгегьо. Жирелуье тигъэти доре омори гировунде коре эсер веди сохдеи, зуте мэгIлуьм сохдеи, поюндеи ве офдеи гъонунепузмишигьоре э иловле гъонунсуьзлуье э кор венгесдеи наркотикгьоре.
Екем э товун эну, комини коре гировунде оморе э республике?
Министр культуре РД Зареме Бутаеве ихдилот сохди, чуьки министерстворевоз гировунде омори фирегьутегьерлуье нуботноме культурно-просветительски корисохигьо, комики дешенде омборте 150 томошеие, консертни ве бирмундеие акцие э дениширегоргьоревоз ве бэхшвегиргьоревоз омборте 15 гьозор одоми э 37 муниципальни соводигьо. Э гьеминоние вэхд гировунде омори эки 60 культурно-просветительски корисохигьо эсер зуте мэгIлуьм сохдеи наркоманире э гъэд гьеминоние жунсогъи венгесдеие кампани э гIэилие жунсогъи венгесдеие жигегьо.
Министр спорте ве физически культуре Догъисту Сажид Сажидов бирмунди, чуьки бинелуье зиёдгъувотлуьигьо идорегьоре фуьрсоре оморе э вэхьзи жунсогълуье зиндегунире эз спорт, э гуьнжо овурдеи физкультурни ве спортивни корисохигьоре, комикигьо кумекии доре зофру биреи лов сохдеи наркоманире.
Министр эсер коргьой жовонгьо республике Камил Саидов риз кешири, чуьки суьфдеи бо э Догъисту гировунде омори Жергей кучеие корисохигьо миллетлуье жирегьо спорте эри жовонгьо, комикигьо гирошди э чор шегьергьо республике (Южно-Сухокумск, Буйнакск, Дербенд ве Кизляр) ве омборте 1500 жовоне бэхшвегиргьо. Желди берде оморе коре э гъэдерлуье иловле. Дуь эекиревоз э гьемкоркигьоревоз УКОН МВД э РД ве хундегоргьо колледжегьо шегьере Махачкале э гъэд ёгъинлуье зуте мэгIлуьм сохдеи гировунде омори омборте 20 мэгIлуьмет дореие меслэхьэтгьо э жэгIмисоводлуье идорегьо, 8 акцие эсер ранг зереи омборте 400 заралисохдегоре войне.
