Сернуьш Хьуькуьм РД Абдулмуслим Абдулмуслимов гировунди корисохи вохурдеи э рэхьберевоз Комитет э жэгl хозяйство Хадижат Шамхалова.

У нушу дори э премьер-министр э товун гъозие э жэгlхозяйственни десде регион э 10 мегь 2025-муьн сал. Гьемиге бири фегьм сохде оморе корисохи веровундеи гъуллугъгьой Сервор РД Сергее Меликова.

Э гирошдигьо вэхд 2025-муьн сал э республике хьозуьрлугъи сохди 6427,6 тонн жэгl мол, экуьнди э 10% зевер сохди салине гъэдер хьозуьрлугъигьо гьевелине сале. Эз жэгlмлуье гъэдер бинелуье гъэдер гьисди э бедел жэгl, гуьрде оморигьо э Каспийски дерьёгь – 5530,4 тонн.

Имбуруз э республике кор сохде 20 хьозуьрлугъисохе идорегьо. Бинелуье молведешендегоргьо э гъэд угьо гьисди ИП «Мустафаев М.Н.», ООО «Дагфиш», ООО «Каспий жэгl».

Угьо мэгlлуьмлуьи эн хуьшдени буьлуьнде риз гъэдерлуьиревоз ве жугьобдорлуьиревоз. ООО «Каспий жэгl» э и зурие вэхд нори везифе венгесде э кор тозе завуд эри лугъонде хьозуьрлугъи сохде жэгl э Кизлярски район, э коминики мибу ведешенде консервигьо эз фирегьлуье жуьр-бе-жуьрелуье жэгl.

Зевер биреи гъэдер хьозуьрлугъи жэгl руьхсет доре хьуькуьмлуье кумекии, э у хьисоб субсидиегьо эри восдоре гьеймогьоине технологически оборудованиегьо песини се сал ведешенде оморигьо.

Гье у руьхсет доре тозеден ве хубте сохде хьозуьрлугъисохе техникере, шинох бире э тозе жире мол ве фирегь сохде молведешендение гъэдергьоре, э у хьисоб ведешендеи жэгl хурек ве э кор венгесде проектгьо эри лугъонде бее зере гьишде, – гъондуьрмиш сохди Х.Шамхалова.

Эз гуфдире себеб, зевер биреи гъэдергьо гьемиге бесде оморе э зевер биреи хьозуьрлугъие инфраструктуре ве гъоимгъувотлуье пуьрсиреи мол э буьлуьнде зиёдсохе гъимет. Эзуш бэгъэй, э параменди жэгl хьозуьрлугъи сохдеи корисохи дорени ве зевер биреи доруние сафари.