Сернуьш Хьуькуьме Догъисту Абдулмуслим Абдулмуслимов гировунди корисохие вохурдеи э министревоз жофо ве социальни параменди РД Магомедзагидевоз Кихасуревоз. Э вохурдеи гъобул сохди бэхшвегири вице-премьер Абдурахман Махмудов.

Гуш дошде омори эхиригьо корисохире идорегьо жофо, мешгуьли ве социальни гъэлхэнди могьлугъгьоре регионе э песой 10 мегье 2025-муьн сале, гьемчуьн фегьм сохде омори корисохи веровундеи гъэдэгъэгьоре Серворе РД Сергее Меликове.

Зигьисдегоргьо республике вегуьрдени жергей социальни муьзде дореигьо, э у гъэдер вогордундеи э муьзде ЖКХ, гермегьине пуллуье муьзде дореигьо, социальни кумекии, евэхдлуье муьзде дореи э газегировундеи э хунегьор ве екейгегьо. ЖэгIмие доруние гъэдер социальни муьзде дореигьо гуьнжуьнде 2,4 млрд монет.

Э песой гирошдеие вэхд хьуькуьмлуье социальни кумекии э бинеден социальни игъролгьо вегуьрди 6070 одомигьо, чуь гуьнжуьнде 1923,2 % эз везифе. Э веровундеи корисохигьоре э социальни игъролгьо фуьрсоре омори 1,1 млрд монет, эз угьо:

904 социгъроле э гешдеи коре;

2436 социгъролгьо э жиге овурдеи жейлее предпринимательски корисохире;

2003 игъроле – э бердеи хуьшдени ю кумекие сэхьиблуги;

727 – э дануьсдеи четиние зиндегуние гъозиере.

Э бэхшвегиргьоревоз СВО ве кифлетгьой эн ишуревоз игърол бесде омори 422 социгъролгьо эз угьо 89 игъролгьо бесде омори э бэхшвегироревоз СВО, 333 – э кифлетгьоревоз.