Сервор Догъисту Сергей Меликов гировунди вохурдеи э кумекчиревоз Сернуьше Хьуькуьме РФ Муслимовоз Хучиевоз, комики сервори сохдеи корисохие десдере, комики бири эз нушудорегоргьой федеральни идорегьой хьуькуьме ве э гуьнжо овурдеи. Десде фегьм сохди веровундеи социальни ве инфраструктурни проектгьоре эсер гъэдэгъэи Сернуьше Хьуькуьме Уруссиете Михаиле Мишустине.
Э корисохи вохурдеи пуьруьш сохде омори бинелуье пуьрсуьшгьо, комики бирмунде инфраструктурере, дешенде проектгьоре эсер э гуьнжо овурдеи объектгьоре жэгIметие, транспортни, инженерни ве социальни инфраструктуре, комики гереки эри хубе зигьисдеи кифлетгьой лешгерчигьоре ве зигьисдегоргьой Каспийске.
Жирелуье тигъэти доре оморе тозеден вокурдеире аэропорте Махачкале(Уйташ), вокурдеи авторэхьие гъирогъгешдеигьо эри Дербенде, Хасавюрте ве Махачкале, гьемчуьн тозе вокурдеи объектгьоре дошдеи жунсогъире э Дербенд.
Э песой се руз коре десде фегьм сохди 15 объектгьоре. Бири бирмунде хубе барасигьо веровундеи везифе норе е гъэдер вэхдгьоре ве войгее бирмунушигьоре.
С.Меликов риз кешири вожиблуьи эз гурунди гирошдеигьо инфраструктурни гъэдерлуье терггьо эри регионе: «Иму зиёд сохде коре эсер веровундеи программегьоре ве шинох биреи овгъотгьоре. Вокурдеи гIовебердеигьоре ве темиз сохдение дуьруьжде вокурдеигьоре – гье у вожиблуье проектгьо эри Догъисту, жейле эри шегьерие жейлее чапарлуье мескен э могьлугъевоз те 1,5 млн одоми. Иму вегуьрдейм дуь инфраструктурни гъэрде, э у гъэдер э вокурдеи гIовебердеире «Чиркей-Махачкале-Каспийск», комики миду темизе гIове омборте миллионе зигьисдегоргьоре».
Сервор республике бирмунди вожиблуьи э гуьнжолуьи тегьер гIовеведебердеигьоре ве рэхьбери э дорунешегьерие тургьоревоз.
Э гофгьой серворе регионе, берде оморе желди коре э сер вокурдеи гъирогъ гешдеие рэхьгьо, чуьки хубте сохдеи транспортни гъозиере э дуьруьжде шегьергьо.
С.Меликов поисди э тозеден вокурдеи рэхье P – 217 ве вокурдеи паруьсде-нуьшундеие зуле эри аэропорте, комики мидану гъобул сохде гьер жире самолетгьоре. У фикире гуфдири имиди э эз вэхд зуте дореи гье у объекте э нуботлуье сал.
Э арти сервор республике согъбоши гуфдиреи федеральни бинере э песой кумекии дореи.
Эхирлуье фикире нушу дореи ве барасигьо эсер артигьо коре десдере мибу гъобул сохдеи республикеревоз чуьтам номуслуье рэхьберисохи эки корисохи э везифегьо э вэхд ю, барасилуье веровундеи гьеммей пушоки дире дануьсдение э гъэд гъэдэгъэгьо премьер-министре вилеете корисохигьоре.
Э корисохи вохурдеи Муслим Хучиев дори хубе гъиметдии параменди регионе ве барасилуьи дуь эекиревоз коре э сер инфраструктурни проектгьоревоз.
М.Хучиев рази бири, чуьки, не денишире э зевер биреи пуледореие э хуьшде вогосундеи ве зиёдсохи сафарчие омореире э республике дошде оморе инфраструктурни гъэдерлуье терггьо. Веровунде оморе э гьонине вэхд проектгьо фуьрсоре омори э гъэрорноме гье у четиние пуьрсуьшгьоре. Э вохурдеи бэхшвегири сохди: сервор беделе Департаменте фегьмсохи Хьуькуьме РФ Андрей Самордин, жигегир Министре вокурдеи ве хунеи-коммунальни сэхьиблугъи РФ Константин Михайлик, жигегир серворе ФАУ «Главгосэкспертизе Уруссиете» Светлане Балашове, суьфдеи жигегир Сернуьше Хьуькуьме РД Манвеле Мажонце, жугьобдорлуье нушудорегор Серворе Республике Догъисту э Хэлгъие Гуьрдлеме РД Нюсрет Омаров.
Экономике республике бирмунде хубе параменди э гьемме сэхьиблугъигьо э хотур чуьки веровундеи корисохигьоре эсер кумекии дореи бинелуье жигегьо ве социальни гъэлхэнди могьлугъе э гъэд федеральни ве региональни программегьо.
Доруние гъэдер жэгIмие региональни молгьо (ВРП) зевер сохдеи 1 трлн монет. Э гьевелие сал ведешендеи молгьоре ве гъуллугъигьоре зевер бири э 5,8 %. Вечиреи налогови ве налоговосуьзе гъэзенжгьо гьер сал зевер бире э 10 млрд монет, чуь кумекии доре зофру биреи пуледореие межбурлуьи регионе. Э артигьо 10 мегь гирошденигьо сале сэхьиблуье гъэзенжгьо дуь эекиревоз бюджете зевер бири э 18 млрд монет э тойсохи э ижире вэхдевоз гьевелие сале. Хубе параменди фегьм сохде э екейгегьо бирмунушигьо социально-экономически параменди республике.
