17-муьн октябрь сервор Догъисту Сергей Меликов гировунди гуьрдлеме эсер веровундеи хьуькуьмлуье программе «Миллетлуье тегьер доруние гъэдерие мэгIлуьметигьо». Пуьруьшсохи гешдеи корисохигьо ве кори сохдеи дуь э екиревоз э гъэд проекте «Э кор венгесдеи объектгьоре девлетгьоре э экономически чаруьсдеи».
Э ёр овурденим, Догъисту – еки эз синогъие регионгьо, эже веровунде оморе хьуькуьмлуье программе «Миллетлуье тегьер доруние гъдерие мэгIлуьмети». Гуьнжолуьи тегьере пушоки дире дануьсдеи гуьрдноме э еки гъэдерлуье платформе хэбере э товун хоригьо ве хунегьо, э у гъэдер э товун ихдиёригьо ве кадастрови гъиметдии, гьемчуьн доруние гъэдерие мэгIлуметигьо.
«Э гуьнжо овурдеисуьз гуьнжолуьире э гье у рэхьгьо чоресуьзи веровунде е жиреш вожиблуье проекте, гье у экономически, социальни енебуге пуле дошдеие», — бирмунди сервор республике.
Э 1-муьн октябрь 2025 сале э е гъэдер мескен Догъисту э ЕГРН деберде омори руй-бе-руи э товун 738, енебуге 97%, серхьэдгьо муниципальни соводигьо, эз 1566 серхьэдгьо могьлугълуье жигегьо э ЕГРН деберде омори руй-бе-руи э товун 1176, енебуге 75%; э серхьэдгьоревоз жигее жейлее чапарлуье мескенгьо э ЕГРН деберде омори руй-бе-руи э товун омборте 5300, гье у 137 %.
Э товун эну ихдилот сохди рэхьбер Минимуществе РД Заур Эминов.
«Эз 2022-муьн сал иму дбердейм э тегьер серхьэде омборте 1000 могьлугълуье жигегьо, чуьки доре дузе везифе нореи параменди хоригьоре, дузе шегьеревокурдение политике, песшендеи э женгевоз э гIэрей гъуншигьоревоз»,- риз кешири З.Эминов.
17 районгьо ве шегьергьо уже бегьем сохди нуьвуьсде оморе хэт э тегьер. Серворгьоре песмундеие муниципалитетгьоре вице-премьер огол зери гъувоте зиёд сохде коре.
С.Меликов бирмунди, чуьки барасилуье веровундеи хьуькуьмлуье программере талаб сохде гуьрдномере зиёдгъувотлуьигьо гьеммей риз гъэдерлуьигьой хьуькуьме.
З.Эминов ихдилот сохди ве э товун тозе гъэдерлуье гъуллугъсохигьо, верасирение тегьер э рэхь Миллетлуье жире доруние гъэдерлуьие мэгIлуьмети (НСПД). Программе гьишде одомигьоре ве бизнесе вегуьрде хьуькуьмлуье гъуллугъи э электронни веди.
Эзуш бэгъэй, Догъисту дуь эекиревоз э Росреестревоз желди веровунде дуь бинелуье гъуллугъи: «Хори асант» эри вегуьрде хорие муьлкгьоре э фурухдеи енебуге э киро доре ве «Хори эри вокурдеи» эри вечире гуьнжолуье муьлкгьоре э зир вокурдеи. Эри угьоре дешенде э гьемме муниципалитетгьо республике гереки э ихдиёри доре эз НСПД жергей гъуллугъи э коргьой хорие гъэножогъи, вокурдеи ве ЖКХ.
Жирелуье тигъэти э бирмундеи бири доре коре э сер фегьмсохи объектгьоре вокурдеигьоре э экуьнди гъирогъ жиге Каспийски дерьёгь, э гъэдэгъэ зереиревоз серворе республике.
Сервор республике кумекии дори фикире хуьшдени ю жугьобдорлуьи рэхьбергьоре муниципалитетгьоре э гье у пуьрсуьш, чуьнки эз угьо межбур биреи гъэдер оморе вечиреигьо ве гIоширеигьо зигьисдегоргьой регионе.
Рэхьбер Рэхьберие Росреестре Арсен Пирмагомедов шинох сохди везифе, комики гьишде гировунде пуре фегьмсохи гьеммей хунегьоре э регионе ве вогордунде э экономически э кор венгесдеи шенде оморе хоригьоре ве объектгьоре. Гъусо рвфде э товун бесдеи разимендире э федеральни Томошелуье-ихдиёрие компаниревоз «Роскадастр».
Гье у гьеммеуруссиетие синогъие проекте эсер э хуьшде вогосундеи объектгьоре вокурдеигьоре э экономичкски э кор венгесдеи. Везифе эну – овурде гуьнжолуьире э ЕГРН: веди сохде ве кем сохде сэхьибсуьзе муьлкгьоре, офде сэхьибисохдегоргьоре ве э хьисоб дешенде гьеммей вокурдеигьоре, комикигьоре гьейсэгIэт нисди э когъозгьо.
Чуьтам мигирору кор э регионе?
Э 1-муьн октябрь э республике веди бири омборте 400 гьозор объектгьо вокурдеигьо ихдиёрисуьз, эз угьо омборте 200 гьозор дешенде омори э везифе-гуьнжолуьи эсер гешдеи сэхьибгьоре.
«Иму э гуьнжо овурденим бине эри биёвгьо. Везифе эн иму – гуьнжолуьи иловлере, э сер комикигьо ГIэмел миёв э хуьшде вогосунде бизнесе, пуледореигьо, э гуьнжо овурдеи инфраструктурере, гъэзенж сохде э гье у ве хубте сохдеи зиндегуни могьлугъгьоре. Чуь гуфдире э товун пес мундеи муниципалитетгьоре – угьоре гьисди минкини дуз сохде те эхир сале. Серхьэдгьо мибу норе гъонунлуь ве палаш»,- гуфдири С.Меликов.
Сервор регионе гуфдири гъэдере бирмундесуьзе хунегьоре э Догъисту: эз 529 гьозор теке жейлее зигьисдение вокурдеигьо э хьисоб дешенде омори эки 42 гьозор. Гьемме угьо – объектгьо налогодореигьо ве биё бу нуьвуьсде.
Э арти пуьруьшсохи мибу э гуьнжо овурде нуботнемегьо гъэдэгъэгьоре, э декабрь везифе нори гировунде гуьрдлемере э и гъосуьте э бэхшвегири ихдиёридошдеие корсохдегоргьоревоз. Э у гъэдер э пушо нори фегьмсохи барасилуье э кор венгесдеи хоригьоре экуьнди гъирогъ жейлее чапарлуье мескене.
