Сервор Догъисту Сергей Меликов гировунди вохурдеире э жигегиревоз Министре энергетике Уруссиет Петр Конюшенко э рамке гlэрейхэлгъие форум «Гъоимгъувотлуье параменди догъи е гъэдер мескенгьо».

Пуьруьш сохде омори фирегьэ черх пуьрсуьшгьо, рэхь кори коминигьо гьисди э гьеймогьоине ве зевер биреи догъистуни энергосистемегьоре. Гъоимлуье тигъэти доре омори э гъэрорноме пуьрсуьшгьо э менфигlэт кем-кемие параменд сохдеи догъи е гъэдер мескен.

Лугъот оморени неки э товун имидлуье овурде расундеи электроэнерги гьисдигьо могьлугълуье жигегьо, оммо ве э товун э гуьнжо овурдеи минкини эри биёвгьо зевер биреи, хубте сохдеи зиндегуни зигьисдегоргьоре ве э кор венгесдеи тозе инвестициони проектгьо.

Сергей Меликов ве Петр Конюшенко риз кеширет вожиби дуь эекиревоз корисохи республикани ве федеральни хьуькуьм ве норет егъинлуье жерге корисохи э гье у рэхькори.

Э ёр овурденим, Догъисту э гье и рузгьо гъобул сохде гlэрейхэлгъие догъи форум, эри бэхшвегири э комини э республике оморет рэхьбергьо федеральни хьуькуьмгьо, гъуногъгьо эз екиге регионгьо ве вилеетгьо.