16-муьн сентябрь э Махачкале э Хуней Дусди э зир рэхьберьети эн Сервор Республикей Догъисту эн Сергей Меликов гировунде омори гуьрдлемей Меслэхьэт э товун гIэреймиллетлуье ве гIэрейдинлуье гъэножогъигьо. Бинелуье гъосуьт пуьруьшсохи бири дуь э екиревоз корисохи органгьой хьуькуьме э жэгIметлуье ве динлуье идорегьоревоз э пуьрсуьшгьой несигIэтдореи жовонгьоре э гъэршуй корисохдеи э хэел бедхэтокори.

Э кор гуьрдлеме бэхш вегуьрдебируьт нушудорегоргьой эн федеральни ве эн региональни хьуькуьмгьо, э и хьисоб сервор департамент э товун дуь э екиревоз кор сохдеи э динлуье идорегьоревоз эн Идорей Президент РФ Евгений Еремин, рэхьбергьой эн динлуье идорегьо эз дегь регионгьой Уруссиет. Гьемчуьн э кор гуьрдлеме бэхш вегуьрдебируьт динлуье пушобергьо эн бинелуье дингьой Догъисту ве эн Уруссиет: муфтий Догъисту Ахмад Абдулаев, архиепископ Махачкалински ве Дербентски Варлаам, Зеверие муфтий эн Уруссиет Талгат Таджуддин, митрополит Ставропольски ве Невиномысски Кирил ве жигегир сернуьш эн меслэхьэт динлуье идорей эн дин-догIотие жэгIмиет жугьуоргьо Борис Ханукаев. Э дакладевоз нушу дорет жигегир министр эн миллетлуье политике Темирлан Абуталимов ве игид Уруссиет, бэхшвегир эн программе «Вэхд Игидгьо» Энвер Набиев.

Сервор Республике гуфди, ки дуьшменгьо хьэрекети сохденуьт возире э сер миллетлуье ве динлуье гьисгьой эн догъистонигьо.

«Гереклуь мунденуьт пуьрсуьшгьой нисд сохдеи дургунединлуье хэел хэтокорире, э гъэршуй корисохдеи э мэгIлуьм сохденигьо компаниегьо, фурсоре оморетгьо эри пузмиш сохдеи дорунеполитически овхьолете э республике. Угьоре гереки гъувотсуьзе регион, жейле э овхьолет гировундеи жирелуье гъовхолуье операциере, ве угьо егIэлмишлуь фикир сохденуьт, ки базургенде, миллетлуье ве динлуье жуьр-бе-жуьрелуьи республике – и гъувотсуьзи имуни»,- гуфди сервор регион.

Сервор департамент э товун дуь э екиревоз кор сохдеи э динлуье идорегьоревоз эн Идорей эн Президент РФ э товун доруние политике Евгений Еремин э ер овурди гофгьой эн Президент Уруссиете: «У, ки буш сохдени еклуьги эн хэлгъ Уруссиете, еклуьги дингьой имуре, у дуьшмен хьуькумети».

У нушу дори боворинире э дошдеи ве муьхькем сохдеи динлуье еклуьгире э жэгIмие гъувотгьоревоз, вихденки уре чуьн нишоне эри де вилеетигегьо, комигьоки, э гофгьой эну гуьре, э кор венгесденуьт синогъи Уруссиете ве эн Догъистуре э пуьрсуьшгьой дуь э екиревоз корисохдеи исламе, хочпересире ве иудаизме.

Э гуьрдлеме бирмунде оморебу мэгIлуьм сохденигьо мол, ихдилот сохденигьо э товун еклуье план эн республике эри гъэрор сохдеи норе оморигьо везифегьоре. Гьемме коргьо э и тараф э кор венгесде оморени э гIэрей хьуькуьметлуье программегьо, ижирегьо чуьн «Еклуье программе э гъэршуй кори сохдеи э хэел бедхэтокори» ве «Э кор венгесдеи хьуькуьметлуье миллетлуье политикере».

Вожиблуье тарафгьой кор э товун э гъэршуй кори сохдеи э экстремизм ве э гIэрегьой миллетлуье политике дешенде омори:

• Назари сохде информационни жигере: гьеммише фегьм сохде соцсетьгьоре ве интернет-платформегьоре эри офде молгьой экстремисики хосиете ве зобуне корисохире э сер жовонгьо.
• Данание ве андурмишие кор: э гуьнжо овурдеи вохурдеигьоре э жовонгьоревоз, дофусзереи молгьоре э СМИ, э гуьнжо овурдеи ве бирмундеи видеороликгьоре эн гъэршуйэкстремистки риз э комигьоки бэхш мивегинуьт хьуьрметлуье идмончигьо ве бэхшвегиргьой СВО.
• Ватанхогье ве динлуье-нэгъуьллуье несигIэтдореи: гировундеи акциегьоре, боржберигьоре, бирмундеигьоре («Парта Героя», «Без срока давности»), нубогьой игидьети ве «пуьруьшсохигьо э игидгьоревоз» — э бэхшвегиргьой СВОревоз. Жейле тигъэт доре оморени фирегьлуь мэгIлуьм сохдеи гъуллугъсохире э Ерэгъленмише Гъувотгьой РФ.
• Базурге ве форигъэти вегуьрдеи: э кор венгесдеи проектгьоре, омореи гIэилгьоре ве жовонгьоре эки базургенде идорегьо («Базургенди – гIэилгьой Догъистуре»).
• Кор э динлуье иловле: гировундеи андуьрмишие коре э вэхд жэгIмитегьерие нимаз э мечетьгьо ве медресегьо, фуьрсоре оморигьо эри недегьишдеи мерэгълуь сохде динбоворсохгьоре э гъонунсуьзе корисохи.
• Кор э эз де виллетгьоиге оморигьо одомигьоревоз: гировунде нубогьо эри школехундегоргьо- эз дивилеетиге оморегоргьо эри шинох сохде э торих ве гIэдотгьой Уруссиетевоз ве эн Догъистуревоз.

Игид Уруссиет, бэхшвегир эн программе «Вэхд Игидгьо» Энвер Набиев гуфди, ки э гьеймогьине овхьолет верзуьши эн ватанхогье несигIэтдореи омбар мибу. Республикере гьисди гIошире торих, пур гьисдигьо э игидигьоревоз, комигьоки мие бошуьт бине эри эрклуьи ве нишоне эри жовонгьо, риз кеши у.

Бегьем сохденки гуьрдлемей Меслэхьэте э товун гIэреймиллетлуье ве гIэрейдинлуье гъэножогъигьо, сервор Догъисту е гилейгеш бирмунд гереклуьи ве мэгIэнолуьи пуьруьш сохде оморенигьо гъосуьтгьоре эри гьемме омбаремиллетлуье хэлгъгьой эн Уруссиет.

Гуьрдлеме бирмунди хьозуьрлуьгъи эн гьемме бэхшвегиргьоре эки барасилуье дуь э екиревоз кор сохдеи ве борж бердеи э бедхэтокориревоз. Гьемчуьн жирелуье тигъэт доре оморени э ватанхогье ве нэгъуьллуье несигIэтдореи келе биренигьо эрхэгьоре.