Сервор Догъисту Сергей Меликов гъобул сохди бэхшвегири э гуьрдлеме эсер пуьрсуьшгьоревоз э гуьнжо овурдеи тегьере эсер э кор венгесдеи э муьхькемие коммунальни хокоругьоревоз, комики гирошди э тегьер ВКС э зир рэхьберисохиревоз вице-премьере вилеете Дмитрие Патрушеве.
Жигегир Сернуьше Хьуькуьме РФ мэгIлуьм сохди, чуьки э регионгьо зиёд сохдеи вокурдеи беделе инфраструктуре. Гъувотлуьигьо, комики веди мибу э 2025-муьн сале, доре дегиши омборте 1,5 млн хокоругьоре.
«Эри веровундеи гъэдэгъэгьо Серворе Уруссиете ве гирошдеи эки экономике сэхд сохде оморе е гъэдере вожиблуьи, эри чуь гьер тозе объект жугьоб доре гьеммей гьеймогьоине талабигьоревоз э бэхш сохдеи ве экологически дузе пэхьни сохдеи. Хьуькуьм Уруссиете зиёдте фирегь сохде минкинигьо эри зевер сохде зурие дешендеи гьеймогьоине объектгьоре э кор венгесдеи э хокоругьоревоз.
Э 2025-муьн сал 19 регионгьоре доре омори ихдиёри бесде игъроле разимендигьо э вокурдеи беделе инфраструктуре бэхьссуьз. Э хотур чуьки эки 2028-муьн сале биё бу веди 37 объектгьо э кор венгесдеи э хокоругьоре жэгIмие гъувотлуьиревоз э дегиши 4,5 млн тонн»,– гуфдири Патрушев.
Вице-премьер бирмундеи тигъэте серворгьой субъектгьоре, комикигьо уже бесди игъроле разимендигьо, э вожиблуьи хундеи дануьсдеи е гъэдер вэхдгьоре веровундеи проектгьоре ве екбиреигьо угьоре э хэберлуье тегьере овхьоле. Гье у гьишде винире минкиние пес гьишдеигьо э жире гьисдигьо вэхде.
Жигегир Сернуьше Хьуькуьме гьемчуьн зиёд сохдеи, чуьки сибит барасилуьи хуьшдере рафдеие фегьмсохигьо объектгьоре, ижире коргьо э гьеммишеине бине мибу зиёд сохде.
Еки эз вожиблуье бирмунушигьо барасилуьи дегишигьоре э кор венгесдеи э хокоругьоревоз гьисди гуьнжолуьи э контейнерни жигегьо э хьэётгьо. Э гофгьой Дмитрие Патрушеве, э песой хьэшд мегь гирошденигьо сале регионгьо хьозуьр сохди эки 5 гьозор контейнерни жигегьоре ве восдори эки 36 гьозор контейнергьоре.
Желди тозе бире бохчей жейлее технике. Эз сергири 2025-имуьн сале э регингьо восдоре омори омборте 600 тек, е гъэдер эз сесе эз угьо – э песой коргьо гъэзенжлуье э киро дореи. Дмитрий Патрушев гъэдэгъэ зери Минтебиете ве ППК «Уруссиетие экологически операторе» э сер зиёд фирегьсохи нуботномере нумгьоре техникере, комики восдоре омори э ижире коревоз, ведарафде энжэгь эз гьисдигьо фуьрсореи пуьрсуьшгьоре.
Бирмунденим, э Догъисту гьемметарафлуье коре эсер гуьнжолуьи тозе тегьере берде оморе эз 2021-муьн сале. Гьемме сер гуьрди эз дегиши жигее гуьнжолуьи э кор венгесдеи хокоругьоре. Э 2023-имуьн сал э регион тозеден вокурде чор дуьруьжде руьхсетсуьзе омборе гъэдере хокоругьоре э Каспийске, Хасавюрте, Буйнакске ве Южно-Сухокумске.
Уже бегьемини вокурдеи гьеймогьоине жиге пэхьни сохдеи хокоругьоре э Кумторкалински улке гъувотлуьиревоз 300 гьозор тонн э сал ю эри хокоругьо, комики нисе гIэмеллуье эки дегиши. Э е гъэдер мескен республике зиёд сохде вокурдеи гене дуь полигонгьо. Ве лап вожиблуьи – гье у се хокоруре бэхш сохдеие гуьрдноме, вокурде оморее э Карабудахкентски, Дербентски ве Хасавюртовски улкегьо.Гье у гуьрдномегьо миду пурлуье бэхш сохдеи гьеммей э гуьнжо оморе э Догъисту хокоругьоре. Желдие вокурдеи берде оморе экуьнди Дербенде, эже э и зуригьо гузет сохде ведарафдеи э бегьем сохдеие е гъэдер вэгIэдо. Дирте мибу вокурде гуьрдноме э софуне бедел Догъисту. Пурлуье дешендеи сесе гуьрдномегьоре везифе нори э 2026-муьн сал.
Эзуш бэгъэй, э муниципалитетгьо берде оморе коре эсер э гуьнжо овурдеи контейнерни жигегьоре. Э кор гуьрдломе э гъэд гъозие № 58 «Э гуьнжо овурдеи тегьере э сер э кор венгесдеи э беделе муьхькемлуье коммунальни хокоругьоревоз» гъобул сохди бэхшвегири рэхьберисохи сенигIэткорие идорегьо, беделгьо компани, серворгьо регионгьо ве нушудорегоргьо Федеральни Гуьрдлеме.
Гъозие №58 «Э гуьнжо овурдеи тегьере эсер э кор венгесдеи э муьхькемлуье коммунальни хокоругьоревоз» э гуьнжо овурде омори э гъэдэгъэи Сернуьше Хьуькуьме эри гировундеи дегишире э коргьой э кор венгесдеи хокоругьоре.
Э сер коре э гъэдер гъозие э кор венгесде омори жейлее жире рэхьбери проектгьоревоз, комики э гуьнжо овурде омори э жиге Рэхьберисохие бинере Хьуькуьме. У гьишде зурие рэхьберисохие корисохигьо бэхшвегиргьоре ве гировунде пуьрсуьшгьоре веровундеи проектгьоре э жире гьисдигьо вэхде.
