Сервор Догъисту Сергей Меликов э Догъистуние Огни фегьм сохди жергей социальни ве спортивни объектгьо, бинелуье корхонегьой шегьере, гоф сохди э зигьисдегоргьоревоз, ёр овурди телеф бире игидгьоре ве гировунди гуьрдлеме.
Суьфдеи объект корисохие рафдеи бири спортивни школе, комики бегьем сухди э 2016-муьн сал.
Гьейсэгlэт гьисди минкини уре тозеден вокурде.
Э биёвгьо объект мидану гъобул сохде гьозоргьо воисдегоргьоре, гировунде дуьруьжде корисохигьоре ве э гуьнжо овурде эри зигьисдегоргьо хубе минкинигьо эри коргьо э спортевоз.
Бэгъдовой фегьмсохи. Сергей Меликов гъэдэгъэ зери Минспорте Догъисту дуь эекиревоз э хьуькуьмевоз шегьере те эхир май хьозуьр сохде фикиргьо эсер тозеден вокурдеи спорткомплексе.
Э Догъистуни Огни сервор регион гъобул сохди бэхшвегири э технически дешендеи тозе корхонере «Догъисту Шише Гъоб».
Гьеймогьоине шишедуьшундеи пилите ве оборудованигьо руьхсет доре ведешенде те 144 млн тек шишеигъобе э сал. Ижире пилите э вилеет нисди.
Жирелуьи гьисди э асантбиреи шишеи гъоб э зевербиреи муьхькеми, комики жугьоб доре европейски гъэдер имиди. Корхоне мибу бегьем сохде гъобе эри диуьшовгьо, дермугьо, парфюме ве еккейгегьо молгьо, веди бире
170 тозе корсохие жигегьо.
Жэгlмие гъимет проекте гуьнжуьнде 1,7 млрд монет. Кумекии э веровундеи угьоре дори Фонд параменди промышленности. Эзуш бэгъэй, гъул кешире омори жейлее пуледорение игърол, комики гьишде корхонере зофру сохде налогови боре те 2030-муьн сал.
Сергей Меликов гуфдири, чуьки дешендеи тозе корхонере келе гъозие эри гьеммей республике.
«Имбуруз «Догъисту Шише Гъоб» — гье у гьеймогьоине ве дуьруьжде э е гъэдер мескен СКФО корхонеи. Кор эн корхоне мибу вожиблуь эри промышленни комплекс регион эн иму ве гьишде доре гьеммишеине келе пуьрсиреи э ведешендение молгьо ве дегиши овурдеи молгьоре эз де вилеетиге ши-
шегъобе»,- гуфдири сервор регион
У фикире гуфдире боворини, чуьки молгьой корхонере мибу омборе пуьрсиреи неки э республике, оммо ве э гьеммей вилеет.
Сергей Меликов жейле бирмунде жигей корхонере э экономике ве социальни коргьой шегьере, комики гьисди бинелуье корхоне ве э гуьнжо овурде омборе гъедер пулеомореигьоре.
Бэгъдовой виниреи стадионе «Жофо» сервор Догъисту гъэдэгъэ зери хьозуьр сохде
проекте тозе вокурдеи энуре.
Э везифе норе омори вокурдеи келе футбольни зими, видовусдеие рэхьгьо, жиге эри векенде партале ве трибуннгьо. Сервор республике риз кешири, чуьки гереки хуб со-
хде ве е гъэдер мескен иловлей стадионе. Проекте везифе нори э кор венгесде э и сал,
сер гуьрде веровундеи эн уре — э нуботлуье сал.
Гъэрорноме э товун дуьруьжде гъуьчсохи школере №8 сервор регионе гъобул сохди э арт омореи э соводие идоре.
Сервор республике фегьм сохди школере, гофсохи дуь эекиревоз э хундегоргьоре-
воз ве тербиедорегоргьоревоз. Школе, э комики имбуруз данани вегуьрде омборте
180 гlэилгьо, вокурде омори э 1930-муьн сал. Хундение утогъгьо, спортивни ве актови
дуьруьжде утогъгьоре гереки бегьем тозе сохде.
Коргьо э гъуьчсохи везифе нори э и сал. Эри чуь нисе поюнде хундение коргьоре, гlэилгьо гьелелуьге михуну э еккейге школе.
Э еки эз бохчегьой Догъистуни Огни сервор республике ек бире эки ватанхогьи акции «Мэгlнигьо, оморигьо эз довгlо», сер гуьрди э шегьер 1-муьн апреле.
Э гуьнжо овурдение десдегьо ве зигьисдегоргьо гьееки гъово зере мэгlнигьо лешгерие салгьоре. Сервор регионе кумекии дори войгере ве хунди э зигьисдегоргьоревоз мэгlни 9 мае – мэгlлуьмлуье «Руз Бараси».
У согъбоши гуфдиреи зигьисдегоргьоре э песой вохурдеи ве гуфдири имиди э жел-
дие бэхшвегири угьоре эсер экор венгесдеи социальни проектгьоре.
«Ижире хубе одомигьо верзуьш хубтее иловлегьоре. Иму гъэрор норе э куьнде
вэхд сер гуьрде тозе сохде шегьере, суьфде мибу спортивни объектгьо – стадион ве
куьндлуье бохчее жиге. Имуре вожиблуьи кумекии эн ишму: проектгьо мигирору жэгlмие пуьруьшсохигьо. Шегьер биё бу савз, гlэилгьоре ве жовонгьоре биё бу хубе жигегьо эри форигъэти ве спорте»,- гуфдири Сергей Меликов.
Э арти омореи э Догъистуние Огни сервор республике гировунди гуьрдлеме э бине-
луье пуьрсуьшгьо социально-экономически параменди шегьере.
Сервор муниципалитете Замир Гаджимурадов ихдилот сохди э товун бинелуье четинигьой шегьере. Э у гъэдер:
гlовдореи – гъити гlове гьисди 8-9 гьозор кубометргьо э шеви-рузи; спортивни, соводие
ве медицинеи инфраструктуре, талаб сохде тозе сохдеире, тозе вокурдеире ве зиёд
фирегьсохире; электродореи – куьгьнее тургьо ве гъэгъти трансформаторгьоре овурде
эки поисдеи; тозеден сохде вокурдеи темиз сохдение жигегьоре.
Профильни министргьо шинох сохди хэбере э товун корисохи вокурдеи инфраструктурни объектгьоре ве коргьой комплексни парамен-
ди е гъэдер мескене, гъобул сохдеи гъэдере э электродореи шегьере ве имидигьо
параменди коргьой соводире. Гуфдире омори э товун гъэдергьо э гуьнжолуьи, тозе
вокурдеи ве гъуьчсохи спортивни объектгьоре, пуьруьш сохди минкини коргьой гъуьчсохи мошинерэхь, комики берде эки дерьёгьие гъирогъ.
Сервор Догъисту, сохде тигъэти э бинелуье рэхьгьо параменди Догъистуние Огни, риз
кешири герекии комплексни гъэножогъире.
«Тозе биреи шегьере мидану бире э гьисдигьо мейдунгьо. Эсер эгъуьлменде гъэно-
жогъи эки вокурдеи, э хьисоб дузе везифе нореи гlэмел миёв азад бинелуье мескене,
э гуьнжо овурде хубе жигегьой форигъэтире риз кешире промышленни ве зигьисденигьо
регионе», — бирмунди Меликов.
У бирмундеи тигъэти э дуь жире коргьо: е гъэдер вэхдие – гъэрорноме кура сохдеие
четинигьо инфраструктуре ве биёвгьо параменди – келе тозе вокурдеи э хьисобевоз
фикире зигьисдегоргьой шегьере, э гъэд комики гереки везифе норе хубте биреи жи-
гегьоре, тозе сохдеи коммуникацигьоре ве гуьнжолуьи гьеймогьоине шегьерие иловлере.
Сергей Меликов гъэдэгъэ зери фегьм сохде гьер пуьрсуьше э бэхшвегириревоз
профильни министерствогьоревоз, бирмунде вожиблуьи зурие дешендеи бинелуье
проектгьоре.
Э корисохи омореи рэхьбер республике нори гуьлгьо эки Сенгъ ёровурди Гlуьзете ве ёр
овурди лешгеригьоре-гьемватанигьоре, комики телеф бири э салгьо Келе довгlой Ватани.
Везифесуьз бири вохурдеи серворе регионе э дедей Игид Уруссиете Исрафиле Магоме-
дове, комики телеф бири эсер веровундеи лешгерие гъэрде.
У гуфдири гофгьой кумекии ве согъбоши гуфдиреи э песой тербие дореи куке, комики
бирмунди мердьети ве игидьети, комики бири меселен гъуллугъсохи Ватане. Сервор
республике гъэдэгъэ зери идорегьоре гуьрде э жирелуье фегьмсохи социальни кумекии
кифлет Игиде.
