Абрамов Шетиель Семёнович хьэсуьл омори 11-муьн ноябрь 1918-муьн сал э шегьер Дербенд. Варасунде бегьем сохди 10 класс э школе шегьер Махачкале (Догъисту), э 1941-муьн сал 3 курс геологоразведовачни факультет Грозненски нефти институт. Э гъушун эз июль 1941-муь сал. Э декабрь 1941-муьн сал варасди зуте сохде курсгьо Грозненски довгlо пехотни идоре.
Бэхшвегир Келе довгlой Ватани эз май 1942-муьн сал рэхьбер десде э 242-муьн туь фенгшени дивизие. 23-муьн май 1942-муьн сал э гъовхо э Дорум-Мэгlэровие довгlо гиро-
шдение жиге бу гурунд ералуь, хос сохде омори э софхоне Новочеркасск.
Бэгъдовой хос бире рафди э Сталинградски довгlои жиге, эже гъовхо берди э гуьнжуьнде
оморе 107-муьн туьфенгшени полк (76-муьн туьфенгшени дивизие) рэхьбер десде суре
гешдегор. 27-муьн сентябрь 1942-муьн сал бири ералуь дуьимуьн гиле, оммо вогошди
э довгlо. Бэгъдовой сеимуьн ералуь биреи гье гене фуьрсоре омори э софхоне. Эз гьеминон 1943-муьн сал – рэхьбер десде 246-муьн туьфенгшени полк (82-муьн туьфенгшени дивизие). Э 1943-муьн сал э гуьнжуьнде оморе
Дорум-Мэгlэровие довгlо хилос сохди Донбасс ве Чепигъирогъие Украине.
Э гуьнжо оморе гъушун 3-муьн Украински довгlо жиге бири бэхшвегир зури-зури гирошдеи нуькерегьо Ингулец, Ингул ве Дорум Буг, хилоссохи Одессе. Э июль-август 1944-муьн сал э 1-муьн Белорусски довгlои жиге бири бэхшвегир э зафт сохдеи ве зиёд фирегьсохи жигегьо э чепи гъирогъ Висле, хилос сохди Варшаве ве Лодзь.
Бешгъэ сеч бири э гъовхогьо э хилоссохи шегьер Познань (Польша). 19-муьн февраль 1945-муьн сал эз ведарафдеи эз жерге рэхьбер
батальоне гъобул сохди рэхьбери э хуьшде. Э вэхд шишире рафдеи познански гъэлече ба-
тальон эн угьоре тур-темизсохди те 400 ве вегуьрди э есири омборе гъэдер дуьшмени
лешгерчигьоре ве офицергьоре.
Э мердьети ве игидьети, нушудоре оморигьо э гъовхо э немецке-дуьшмени зафт сохдегоргьоревоз, Буйругъэвоз Серворе Совети СССР эз 31-муьн май 1945-муьн сал
капитане Абрамове Шетиеле Семёновиче дори гlуьзетлуье нум Игид Союз Совети э гlуь-
зете овхьолет орден Ленине ве медал «Суьрхине Астара» (№6495).
Э эхир март 1945-муьн сал батальон э рэхьбери Ш.С. Абрамове э шишире дарафдеиревоз вегуьрде омори гъэлече Кюстрин (гьони Костшин-над Одрой), оммо
песдеине бири бэхшвегир э шишире дарафдеи э Берлин.
Э гьемме вэхд гирошдеи довгlо бири хьофд гиле ералуь. Э июль 1945-муьн сал фуьрсоре омори э хундеи э Довгlои академие нум М.В.
Фрунзе. Э полигон академие вегуьрди гурунде ера ве не дануьсди диеш дураз кешире
довгlои гъуллугъсохи. Эз июнь 1946-муьн сал майор Ш.С. Абрамов – э хьозуьрини.
Вогошди э шегьер Грозный, э 1949-муьн сал бегьем сохди Грозненски нефти институт.
Те 1992-муьн сал кор сохди э Грозненски нефти институт, дуь э песой еки дегиш сохдеи
кор гъуллугъи хуьшдере: лаборант, ассистент, келеи тербиедорегор, доцент, жигегир
кафедра сенигlэткор гешдеи ве офдеи мэгlдонгьой хорире ве декан гье у факультет.
Зигьисди э шегьер Грозный (Чечня), эз 1993-муьн сал – э Москов. Муьрди 14-муьн май
2004-муьн сал. Битехьэим сохде омори э Домодедовски битехьэимгьо э Москов.
Э Дербенд, эже хьэсуьл омори Ш.С. Абрамов, э дивор хуне веноре омори мемори-
альни сенгъ ёргири.
Бэхшгьо Игид Союз Совети
(31.05.1945); орден Ленина (31.05.1945);
орден Гъирмизине гlэлем (11.02.1945);
2 орден Ватани довгlо 1-муьн степень (29.08.1944, 11.03.1985); орден Ватани довгlо 2-муьн степень (27.05.1944); орден Гъирмизине Астара (09.08.1943) медалгьо.
Гlуьзетлуье нум ве гlилмлуье степеньгьо
Верзуьшлуье корсох гlилми Чечено-Ингушски АССР; кандидат гlилм дузетми-
ши-минералогическигьо гlилм.
Эз хуьшде гуьнжуьнденигьо Нефт, эн у минкини, тегьер гешдеи ве вегуьрдеи. Грозный 1956-муьн сал; Гlошири жигегьо Чечено-Ингушетие. Грозный, 1966-муьн сал.
Эз мол СМИ ве екиге вокурде мэгlдон мэгlлуьмети.
