Лешгерие гlэлем – и биней динлуье муьхькемини ве войгей лешгерчигьой Уруссиети, гуфди Сергей Меликов доренки гlэлеме батальон «Каспий».

Сервор республике гьемчуьн гуфди, ки э зир эни гlэлем бебегьо, келебебегьо ве келеи келебебегьо сохдембируьт буьзуьрге бесгъунигьо ве гъэлхэнд сохдембируьт Ватане. Угьо хилос сохдембируьт и нишон лешгерие номусе э гъовхо ве кими вэгlэдо э гъимет зиндегуьни хуьшдеревоз. Имбурузине дореи лешгерие гlэлеме и ологълуь сохдени гирошдигьоре, гьеймогьинере ве биевгьоре. И э ер овурдени э товун эну жугьобдорлуьи, комиреки ишму берденит э пушой Респубикей Догъисту ве эн гьеммей Уруссиет»,- гуфди сервор регион эз лешгерчигьо.

«Ишму – эрклуь Догъистуни, ве имбуруз, доренки ишмуре и гlэлеме, иму боворинлуьним, ки и гlэлем э хубе десгьо доре омори», гъовхолуье рэхь батальон и нишони эри омборгьо, риз кеши сервор республике.

«Батальон иму э номусевоз ве э игидьетиревоз веровунденуьт гьемме э пушо норе оморигьо везифегьоре ве муьхькемлуь гъэреул сохденуьт Уруссиете. Иму варасиреним, ки рэхь, комиреки иму вихдейм, асанте рэхь нисди. Оммо ишму, чуьтам гьемме лешгерчигьо, комигьоки гъуллугъ сохденуьт э жирелуье гъовхолуье операцие, мие дануьт, ки гьемме республике э ишмуревози»,- гуфди сервор регион.

Эз нуминей гьемме одомигьой Догъисту гуфдиреним согъбоши эз гьемме лешгерчигьо ве эз кифлетгьой энугьо эри довом ве бофолуьи. «Иму э ишмуревоз эрклуь биреним, э бесгъунигьой ишмуревоз ве э уревоз, ки ишму э номусевоз нушу доренит омборемиллетлуье хэлгъ Догъистуре. Гьейсэгlэт и гъовхолуье кор ишму лап вожиблуьни эри вилеет иму. Имбуруз секонесуьзи хьуькуьмет э сер ишму вери, эз ишму межбуьр бирени биевгьой эн Ватан иму»,- гуфди сервор регион.