Э сешоббот, 27-муьн август Сернуьш Хьуькуьм Догъисту Абдулмуслим Абдулмуслимов гировунди планови гуьрдлеме Зутее штаб э веровундеи жерге кор, пушоки дире дануьсдеи Буйругъноме Президенте РФ эз 19-муьн октябрь 2022-муьн сал №757.

Бэхшвегиргьо гуьрдлеме пуьруьш сохди пуьрсуьшгьо веровундеи жерге кор социальни кумекии, пушоки дире дануьсдеи эри бэхшвегиргьо жирелуье довгlои операцие ве эз кифлетгьо угьо, пуьрсуьшгьо гъобулсохи ве дарафдеи одомигьо э довгlои гъуллугъ э контракт гуьре ве екиге.

Э докладгьоревоз э повестке гуьре бирмунуши рэхьбергьо сенигlэти органгьо веровундение хьуькуьм, Совет секонесуьзи РД, ихдиёргъэреули идорегьо.

Э ёр овурди, чуьки э Республике Догъисту, э жиге нореи э федеральни риз гъэдерлуьи жерге кор социальни кумекии бэхшвегиргьоре СВО ве кифлетгьой угьоре э ихдиёри доре зиёди жерге кумекии. Гье у, э у хьисоб евэхдине пул дореи э гъэдер 500 гьозор монет ве евэхдине муьзде доре э гъэдер 200 гьозор монет одомигьоре, дарафдигьо э войгей хуьшде гуьре батальон «Каспий».

Эзуш бэгъэй, пушоки дире дануьсди: пул дореи э хэржи сохде оморигьо коммунальнигьо гъуллугъгьо ве доре оморигьо пул э гъуьчсохи э гъэдер 50%; ихдиёри доре пес шендеи киро дореи пул э игъролноме киро хьуькуьмлуье овгъотгьо; хилоси эз вечиреи эз транспорти налог; хилоси эз вечиреи налог э овгъот инсон; хилоси эз вечиреи э тербиедореи студентгьоре, дананивегиргьо э сенигlэткорлуье соводи идорегьо э программегьо миглеи сенигlэткорлуье соводи гьемме жире хундеи э игъролноме э товун соводи; хилоси эз пул дореи, вегуьрденигьо эз деде-бебе э товун дениширеи ве гъуллугъсохи э гlэили бохче ве омборе екигегьо.

Э арти гуьрдлеме бири гъобул сохде протокольнигьо гъэрорномегьо.