Имбуруз э вилеет кумеки омбор доре э предпринимательгьоре. Бэгъдовой Фуьрсореи Серворе РФ бире диеш омборте. Гъэдер гъэдэгъэ, комики доре сервор хьуькуьм э Хьуькуьм РФ, гьисди кумеки дореи чуькле ве миглее бизнесе.
Э хьисоб дешенде гурунде экономически игърол, э комики гьонине вэхд кор сохде бизнес, суьфдеи нубот фурухдеие гъэдерлуье терг, гьер пуллуье кумеки предпринимательгьоре нибу зиёдие. Э мэгIлуьмети э сайт эн Кремль, те июнь гереки сохде дегиши гъонуне э войге дореи МСП ихдиёри ебо э пенж сал вегуьрде кредитни вэхд форигъетии э нимей сал.
Хьуькуьме РФ э бэхшвегири веровундегоре органгьо эн субъектгьо гъэдэгъэ гъобул сохде коргьо эри зевербиреи гъэзенж э хьисоб сохде э ек корсох, э МСП, омборте зевербиреи гъимете эн молгьоре. Те 31-муьн июль федеральни министиргьо гереки доре фикир эсер нореи льготни пулдореи эри корхонгьо, комики гьисди субъектгьо МСП.
Э Догъисту гуьнжолуьие инфраструктуре кумекии чуькле предпринимательгьо гьер сал вегуьрде синогъи кори. Зевер бире доруние гъэдер пулгьо, комики доре эри предпринимателгьо.
Э Агенстве э сер предпринимательстве ве пулдореи РД гуфдире, э жейлее э гуьнжо овурдеие Гарантийный фонде догъистоние предпринимательгьоре доре гъэдэгъэи. Денишире э зевербиреи и овгъотгьо, герекии ижире кумеки эри бизнес омбори.
Э суьфдеи квартал 2024-муьн сал э Догъисту чуькле ве миглеи бизнесе фонд дори 30 гъэдэгъэи э 126,5 млн монет. Чуьтам гIуьзет сохде рэхьбер Гарантийни фонд Догъисту Казимбек Омаров, гьемме пулгьо вегуьрде кредитгьо бире 211,7 млн монет. ГьейсэгIэтине гъэдэгъэи 714 э 3,1 млрд монет.
Э зевербиреи предпринимательстве суьфдеи бире моле э де вилеетиге бердеи корисохи. Сал те сал статистике инжо бирмунде чуьтам зевер биреи доруние гъэдер молфурухи ве гъэдер предпринимательгьо корсохденигьо э сэрхьэдовоз. Э песини статистике, гъэдер корхонгьо, комики гьерчуь бисдо сохдеи э де вилеетиге бердеи молгьо эн хуьшдере. Э песини сал зевер бире э 40%.
Ижире бараси андуьрмиши кумеки дореи хьуькуьм моле э де вилеетиге бердеи, параменди ве зевербиреи фурухдение коргьо э сэрхьэде хьэрмэхьгьо, зевер бире мерэгъ э мол Догъисту. Гьемме э сал ю зевер бире доруние гъэдер моле э де вилеетиге бердеи бире 21%.
Э бине зн компание хуьшде-моле э де вилеетиге бердегоргьо вегуьрде хурек хозяйствой дигьбони: консервогьо, жире-бе-жирее дишов, гIэсел ве еккейге жигее хурек. Э песини салгьо веди бире зевербиреи моле э де вилеетиге бердеи хурексуьзе молгьо. Гье у гьисди мол деси, духдение молгьо ве шише. Четинигьо гьелбетте гьисди. Омбудсмен Мурат Далгатов ихдилот сохди э Сервор РД Сергей Меликов э товун четинигьо параменди МСП ве минкини угьоре гъэрорноме.
Сервор республике риз кешире, чуьки не денишире э четинигьо, бизнес э республике параменди. «Э гьемме четинигьорево параменди бизнесе имуре мунде хуб. Везифе эн иму – огол зере гьемме коргьо эн бизнесе»,- гуфдире у. Э Догъисту мигировуну гуьрдлеме э товун параменди бизнесе. Гуьрдлеме мибу э сеимуьн квартал и сале. Бизнесе гереки ведеберде эз сое. Умогьой статистике мибу хуб.
