9 апрель Сергей Меликов гировунди гуьрдлеме э вэхд ю герек гьисдигьо пуьрсуьшгьо. Э корисохи – тигъэти органгьо хьуькуьм э руйбиреи одомигьо, э кор венгесде национальни проектгьо, гировундеи васали-зимии коргьо ве екиге вожиблуье эри регион пуьрсуьшгьо.
Сер гуьрди сервор Догъисту э эхирлуье фикире омореи э республике 9 ислами вилеет.
Посолгьо ве дипломатгьо эз Бангладеш, Иран, Ирак, Казахстан, Малайзие, Мавритание, Пакистан, Турцие, ве Узбекистан не энжэгъ шинох бире э Догъистони чуьтам гъуногъгьо, оммо ве хунде дануьсде минкини республике э товун жуьр-бе-жуьрелуье рэхь кори. Омборте э хуьшде вогосундение эри гьемкорсохи э регион бири ведибиреи ижире рэхь кори, чуь сафари, алвари, молведешендение корхоне.
Хьуькуьм республике рэхьбер регионе гъуллугъ дори дуразкеши кори сохдеи дуь э екиревоз э де вилеетгьо.
Э товун тигъэти органгьо хьуькуьм э руйбиреи инсон
Э гирошдигьо орине ЦУР Догъисту угьоре бири 1,9 гьозор.
Э товун тигъэти органгьо хьуькуьм э пуьрсуьшгьо зигьисдегор э соцтургьо гуфдири гьелелуьге сохденигьо кор рэхьберсохе хьуькуьм Серворе ве Хьуькуьм РД Махач Омаров.
Еки эз вожиблуье четине кор – не ведебердеи хокору. Жигегьо руйбиреи бири экуьнди гьемме микрорайонгьо вилеет. Эри гъэрорноме пуьрсуьш кумеки дори региональни хьуькуьмгьо, комики дори технике ве гьемкоркисохгьоре.
Минтебиет ве Минтранс Догъисту э гуьнжо овурди лап дуьруьжде темизсози котейнеригьо мейдон. Коргьо мибу гировунде те песшендеи гьемме четинигьоре.
Бэгъдовой шуькет махачкалегьигьо э омборесэгIэти нубот э жейле бедел ЗАГСе эри вегуьрдеи гъуллугъ ЦУР регионе бирмундеи э хьэвес гуьнжолуьи корисохи десде э товун хуб сохтеи гъобулсохи инсон гье у идоре. Омбор межбур бире одомиоре рафде э ЗАГС э товун е ченд гиле, чуь огол зере бирази могълугъ.
С.Меликов разилуьи бири хьэвес региональни ЦУР. Рафде расири игърол бесде э товун гуьнжолуьи корисохи десде, э комики дарафдени Минюст, Минцифре ве МФЦ.
Э товун игърол бесде хьуькуьм контрактгьо э рамке миллетлуье проектгьо
Чуьтам гIуьзет сохди суьфдеи вице-премьер республики Руслан Алиев, гьемме э товун миллетлуье проектгьо э пушо норе везифе игърол сохде 1412 контрактгьо, эз комигьоки игърол бесди 52,4%.
Хундеки докладе суьфдеи вице-премьере регионе, Сергей Меликов э ёр овурди – кешире вэгIэдо э бедел кор веровундеи миллетпроекте гIэмел нисе оморе. Сервор регионе хосди угьоре эз гъонун не ведарафдеи.
Э товун э ихдиёри доре хьуькуьмлуье ве муниципальни гъуллугъи, систематизации хьуькуьм эн серкори гуьнжолуьи ве э гуьнжо овурде герекие нуботноме
Кор э гьисдие рэхь берде Министерство экономике ве е гъэдер мескене параменди РД.
Жерге дорениё гъуллугъи тогIин сохде гъэрорноме Хьуькуьм РД ве гъеммише э вэхд ю герек гьисдигьо. Э имбурузине руз у бире эз 210 нубот.
Э товун васали-зимии коргьо э Догъисту
Чуьтам гирошде жофокешие хоригъуллугъсохие коргьо, гуфдире сервор региональни Минсельхозе Мухтарбий Аджеков.
Васалие кошдеи воисде гировунде э мейдун 233 гьозор га. Э инжо дарафде:молгъэреие культуре – 36%, тэхуьлие – 32%, хьэвуьжгьо – 18%, еккейге культуре-екем омборте 5%.
Гьемме э и сал э Догъисту воисде тум шенде 373 гьозор га. Гье у э 4 гьозор омборте, эз гирошдигьо сал. Э угьо кор сохде омборте 3500 тракторни агрегатгьо.
Мейдун тум шендеи дуне э и сал э Догъисту воисде зевер сохде э 800 га.
Э гьеу сал э Догьисту воисде зевер сохде те омборте эз 100 га мейдун богьие кошдеи.
Э гуьрдлеме С Меликов гьелелуьге ведекуьрде эз кор министре тебиети овгъот ве экологии эн Догъисту э вэхд гировундеи фегьмсохи корисохи идоре.
Э кор эн сервор дарафде э у гъэдер идоре серноме жейлее гъэреул сохдение тебиетие жиге э республике. Оммо сохде омори кем.
Сервор Догъисту гуфдире э товун герекие эри регион гьосуьт-хьэрекети зиёд жумунде миллетлуье гъэножогъи э Догъисту.
Сервор республике гуфдире гофгьо муфтия эз эну руйбиреи. Э у шейх Ахмад Афанди Абдуллаев гуфдире, чуьки гьер гофгьо ве шиширеи эз иловле э и вэхд – гье у гьисди гIэрегъэриши, воисде сохде чарундеи вилеете эз доруни, гъувотсуьз бире, ве воисде душмене денишире э доруние четинигьо. Муфтий гуфдире – эки Догъисту душмене гьеммише жейлее мерэгъ, оммо гьейсэгIэт у бире омборте.
С.Меликов согъбоши гуфдиреи Муфтият Догътстуре эри коргьо э муьхькем сохдеи жэгIмете. Гофгьо эн у нехэберекие гьисмети э дениширеи эн мерево чуьтам одоми ве чуьтам рэхьбер республике.
