Э рэхьберисохи жигегир Хьуькуьм РД Абдурахмане Махмудове гирошди планови гуьрдлеме ГIэрейхьуькуьми фегьмсохи Хьуькуьм РД э товун гереклуьи корисохи лов не биреи инфекциони нечогъи боржбери э туберкулез ве ловсохдеи ВИЧ-инфекцие/СПИД э Республике Догъисту.
Бэхшвегиргьо пуьруьш сохди гирошденигьо гьисдигьо эпидемиологие гъозие ве сохде кор э товун не дореи лов сохде лихорадке МэгIэрови Нила, холере, конго-крымии геморрагии лихорадке.
Абдурахман Махмудов гIуьзет сохди, чуьки гереки зиёд гъувотдии коре э гьемме риз гъэдерлуьи ве не дегьишде гъозие-гъэдер лов биреи инфекциони нечогъи, гировунде жерге кор э мугъоетире зуте нушу дореи, секонеисуьзии э гьемме жиге, эже гье у гереклуьи.
МэгIлуьмети э товун эпидемиологии гъозие ве сохде кор, э не гьишдеи лов биреи инфекционии нечогъигьо э Республике Догъисту гуфдири рэхьбер Рэхьбери Роспотребнадзор э РД Залимхан Омариев.
Э пушой чуь сер гуьрде хунде докладе, Залимхан Омариев рэгIд сохди дургуние хэбер э товун гуйге гьисдигьо нечогъи холере э Догъисту. Ижире дофусзереи гьисди бедел мэгIлуьмети довгIо, гердундегор э гъэршуй Уруссиет, ве воисде кошде теретэгIдие-терс э гъэд могьлугъ. Гьелбетте минкини нечогъ бире инфекциони нечогъигьо гьеле гьисди. Гьечуь, э 2023-муьн сал э мескен Уруссиет бири офде е гъозие овурдеи инфекции эз Индие, оммо э вэхд ю гереклуье сохде кор те биреи нисд сохди эпидемие.
Дуразкеши гъосуьт, рэхьбер Рэхьбери Роспотребнадзоре э РД, э везифе не дегьишдеи ведибиреи ве лов сохдеи инфекционии нечогъигьо, фикире гуфдири е жерге тэгIрифире доре ве тегьер фегьмгери темизи инсони, комигьоре гереки дуьлтижи эз гъонун не вадарафде эри те биреи нисд сохдеи.
Суьфдеи, э чуь у бирмунди тигъэти, гьечи у – э темизи хьол гуьнжолуьи гIоврасундеи, гIовтемизсохи.
Вожиби фегьм сохде хьозуьрлугъи синемише бине, гьисдигьо нэгъд герекие дермуи овгъотгьо ве синемиш сохде техсистемегьо.
Гереки фегьемгери сохде э песо хьол жунсогъи ве гировунде те биреи нисд сохдеи жерге кор эз вогошдегоргьо паломникгьо эз динбовори жигегьо, чуьки не дегьишде биригьо гъозие-гъэдер э 1994-муьн сал,- риз кешири сервор санитари духдир.
Чуь э товун лихардке МэгIэрови Нила, З.Омариев нушу дори, чуьки федеральни референс-бинелуье мескен сохди эхирлуье фикире э товун, чуьки республике гьисди дарафденигьо э мескен зеверте секонеи зэгIифире вегуьрдеи вирусе МэгIэрови Нила.
Бинелуье гировундегоргьо вирусе гьисди мужакгьо жинс Culex. Жигегьо эже бирени мужак мибу бире жуьр-бе-жуьрелуье жиге, гъоб э поисде гIовевоз.
Песде З.Омариев э ёр овурди, чуьки э республике гьелелуьге мундени хушхьолесуьзе эпидемиологие овхьолет э минкиневоз зевербиреи нечогъи э конго-крымскеи геморрагии лихорадке.
Гуьре руй-бе-руи Роспотребнадзоре республике, омбортее гъэдер гIэнжгьо клещгьоре э 2023-муьн сал гIуьзет сохди э шегьергьо Махачкале, Хасавюрт, Каспийск, Буйнакск, Дербенд, Кизляр, гьемиге Тарумовии, Хасавюртовии, Кизлярии, Ботлихии ве Бабаюртовии дигьбонгьо. Гъосутгереки вогогьруш сохде гировундеи дермуине гъиребир хьэйвуйнгьоре э вэгIэдо жэгIмитегьерие желди клещгьо э вэхд эз апрель те июнь.
Сервор А.Махмудов гъэдэгъэ зери Роспотребнадзоре, Минздраве ве Комитет эн хьэйвуйнидухдир дуь эекиревоз э серворгьо хьуькуьме муниципальни дананигьо э лап зеверие гъэдер сигъмише е гъэдер вэхд веровунде жерге кор хос сохдеи-те биреи нисд сохде ве санитари-фегьмгери темизи инсони сохде кор э мескенгьо.
Эзуновлейге фегьмгер пуьруьш сохди гировундеи темизсохи иммунизаци биразии полиомиелите э Республике Догъисту.
Бегьем сохде эхир пуьруьшсохи, Абдурахман Махмудов гъуллугъ дори зиёд сохдеи гьемме жерге коре хос сохдеи-те биреи нисд сохде ве санитари-фегьмгери темизи инсони корсохи э пурлуьи доруние гъэдер, оммо гьер бинелуье министре, хьуькуьм ве серворгьо муниципальнигьо идоре бири доре е жерге везифе.
