25 марте Сергей Меликов гировунди гуьрдлеме э вэхд ю герек гьисдигьо пуьрсуьшгьо.
Бэхшвегирсохгьо эну пуьруьш сохди гуьрдсохи кор э товун гъобули, офдеи жиге дореи ве биреи гIэилгьоре эз Белгородски областе; тигъэти дори органгьо хьуькуьм э руйбиреи одомигьо; э кор венгесдеи э Догъисту хьуькуьмлуье программе «Миллетлуье жире гьисдигьо доруни»; кор э хьозуьрлугъи генеральни плангьо ве тегьер хори э кор венгесдеи ве вокурдеи дигьбони зигьисденигьо жиге.
С.Меликов, вокурдеки гуьрдлеме, э нуботлуье гиле гIуьзет сохди тигъэтлуьи догъистонигьоре ве угьоре желдлуье бэхшвегири э корисохи э ёр овурди э товун гъурбуни зулумкори э Подмоскови.
Догъисту хьозуьри э гъобулсохи гIэилгьоре эз Белгородски областе
Э товун эн у эрзо бири сервор республике Муслим Теляков. Э ёр овурде, зуте сервор регионе эрзо дори э хьозуьри гъобулсохи э республике зеверте 500 гIэилгьоре эз мескен областе, э коминики имбуруз бихэтосуьзи. Лап чуькле гъуногъгьоре – гьемме ним сали. Эри зури-зури пуьруьшсохи пуьрсуьш гуьрдсохи кор гъобули, офдеи жиге дореи ве биреи гIэилгьоре ве рэхьсохдегор э республике кор сохде жирелуье э гуьнжо овурде оперштаб.
Гъобул бири гъэрорноме жиге доре гIэилгьоре ве деде-бебе э жунсогъии лагерьгьо ве школе-интернатгьо республике.
Э имбурузине руз идорегьо хьозури эри гъобул сохде гъуногъгьоре, э у хьисоб э гуьрдсохи дузетмиш бире жирей корисохи. Мибу э гуьнжо овурде овхьолет иловлеи ве эри у гIэилгьо, комигьоки тербие вегирде э спорт.
Э товун тигъэти доре органгьо хьуькуьм э руйбиреи одомигьо
Чуьтам гуфдири рэхьбер Хьуькуьм Сервор ве Хьуькуьм РД Алексей Гасанов эз январь те март гъэдер руйбиреи догъистонигьо, расиренигьо пуьрсуьш товушдореи, кем бири э 8 гиле.
Гьемме э суьфдеи чоримуьн бэхш гье и сал э адрес рэхьберисохи Догъисту дарафди 3,9 гьозор десхэтлуье ве серлэгIэеи руйбиреи одомигьо.
Омборте хьисоб эрзо фуьрсоре омори эри фегьмсохи э Минтовуши, Минвокурдеи, Минжофои, МинсоводгIилми, Минздрав.
Омборте екиге зигьисдегоргьоре мерэгълуь бири пуьрсуьш хунеи-жэгIмие хозяйстве, социальни расундеи, дошдеи жунсогъире, вокурдеи социальни обектгьо, транспорти гуьрдноме, хушиноре мескен.
Эри хубте бире кор э пушо нори жерге кор. Э гъэд угьо – гьемише пурсохи жирелуье бэхшсохи э сайтгьо органгьо хьуькуьм. Унжо мибу норе жугьоб э зиёди бежид пуьрсуьш одомигьо.
Гьермегьине гъобулсохи одомигьоре, эз хэёл доклад хундегор, гьемиге ихдиёр доре э кор венгесде гъоимгъувотлуье жугьоб еклуьги э могьлугъевоз ве вегуьрде дузгунлуье мэгIлуьмети э товун овхьолет иловлеи э жигею.
Эзуш бэгъэй, сервори шегьергьо ве дигьбон вожиби жиге доре э сайтгьо хуьшде э вэхд ю герек гьисдигьо нубот гъобулсохи одомигьоре. Имбуруз у не дери э сайт 18 хьуькуьм рэхьбери эз 52.
Сергей Меликов гъэдэгъэ зери органгьо хьуькуьм Догъисту гировунде гъобулсохи э ведерафде мескен одомигьо э хьуькуьм рэхьбери э тегьер бине.
Сернуьш республике дори боворини, чуьки э у кор дарафде мибу федеральни структури, э у хьисоб хьуькуьмлуье органгьо. Кор э у рэхь кори сер гуьрде мибу оморенигьо мегь.
Э товун дебердеи Милеетлуье тегьер доруние гъэдер гьисдигьо
Чуьтам гIуьзет сохди жигегир Серворе Хьуькуьм РД – министр э сер хори ве овгъоти гъэножогъи РД Заур Эминов, зиёд э вэхд ю герек гьисдигьо э имбурузине руз гьисди пуьрсуьш дебердеи э ЕГРН руй-бе-руи э товун серхьэд хьуькуьмлуье идоре, могьлугълуье жиге ве жейлее чапарлуье мескен.
Те эхир сал э пушо норе везифе гьисди дебердеи 9 серхьэд. Э жейлее жигегьо, эз гофгьой Эминове, гьеле эн гирошдигьо сал сер гуьрди дузетмиши серхьэд хьуькуьмлуье идоре.
Э товун эз хуьшде нэхэберекие алвери жиге э Догъисту
МэгIлуьмети гьисдигьо министре мэгIрифет ве фурухдеи РД Низаме Халилове, эз 2015-муьн сал гъэдер бэхшеи алвери жиге э республике лап омбор зофру бири – зиёдте эз 70%.
Э регион эри поюнде руьхсетсуьзе алвери э гуьнжо овурди жирелуье гъэдхьуькуьмлуье корисохи десде. Гировунде оморигьо э урегьо фегьмсохи коргьо эхир гьеммере назар вегуьрди 46 фурухдение мескен, фегьм сохде омори омборте 18 гьозор фурухденигьо мескен, шуморде бири экуьнди 7 гьозор э гуьнжо овурдигьо одомигьо зиреклуье корисохи.
Гьечуь, э Дербенд бири нисд сохде четини нехэберекие алвари э тротуаргьо, э Хасафвюрт поюнде омори алвери корисохи э зеверсер нуькере «Ярык-су», э Махачкале вечаруьнде омори 20 алвери вокурдеи павильонгьо, комигьоки бири норе э иловле ТЦ «Узбекистан».
Чуьтам гIуьзет сохди эз лой хуьшдени хуьшде сервор Догъисту, вирихде пэхьни бире эз руьхсетсуьзе алвери мескен ве гъонунсуьзе зиреклуье корисохи гIэмел миёв энжэгъ э рэхь гуьнжо овурде оморенигьо дуьруьжде алвери-рэхьберисохи бинелуье мескен.
