Сернуьш Хьуькуьм РД Абдулмуслим Абдулмуслимов гировунди суьфдеи э 2024-муьн сал гуьрдлеме Комиссие э товун гъэршуй кори сохи гъонунсуьзлуье кор мол ведешенденигьо мэхьсуьл, э гъэд Республике Догъисту.
Э гъэд гуьрдлеме корсохгьо Комиссие пуьруьш сохди жире гировундение коре э товун зеверсохи хубте биреи хурденигьо мэхьсуьл, овурде расунденигьо э хундение идоре, социальни ве медицини идорегьо республике, гьемиге барасигьо гузетсохдегоре э зеверсер эри хубе ве хэтосуьзе кор угьо. Вокурдеи кор Комиссие, Абдулмуслим Абдулмуслимов э ёр овурди э жиге бирегоргьо, чуьки рэхьберисохгьой республике гировунде оморение кор э товун гузетсохи хубте биреи хурек, расунде оморенигьо э социальни идорегьо. Эз гофгьо сернуьш Догъисту, э регион мундени четини э расундеи дегиши хуреки мол, гьемиге шири мол. У э суьфдеи нубот, межбур бири эз сереботи корсохдегоргьо э кор венгесденигьо лап ужуьзе руьгъэн.
Гьечуь, э вэхд гирошденигьо хундение сал бири веди сохде 68 дегиши шири мол, коминики фуьрсоре омори э 35 муниципальни хундение идоре ве э 2 медидоре.
Чуьтам ёгъинире дануьсди А.Абдулмуслимов, жэгIмие гъэдер дегиши шири мол, вечирегьо эз хундение идоре ве э ён овурдегор хуреки мэхьсуьл, омборте гьисди мол эз де бешгъ жиге вилеет. Догъистони мол э гъэд веди сохде дегиши нисди.
Э тегьер гировунде кор э товун зеверте хубсохи хурдение хуреке, овурде расунденигьо э хундение ве медицини идоре республике, гьем э товун бараси гузетсохдегоре ве э зеверсер угьоре эри хубте ве хэтосуьзие биреи, ихдилот сохди э рамке повестки министр соводи гьем гIилми РД Яхья Бучаев.
Гьечуь, э 2024-муьн муьздсуьзе гермие хурекхури э гъэд республике дануьсди расунде 208 гьозор 254 хундегоргьо серсуьфдеине классгьо, эз угьо 50 гьозор 263 хундегоргьо 1 классгьо ве 157 гьозор 991 хундегор 2-4 классгьо.
Гьееки э уревоз, е тек эз корисохи тегьер боржбери э дегиши мол шири Яхья Бучаев гирди нум шири моле.
Гьисдигьо э 26-муьн февраль 2024-муьн сал э официальни сайт мэгIлуьмети тегьер нум дореи ве фегьмсохи мол хуреки «Номуслуь нум» хьисобсохи 1305 жэгIмисоводлуье идоре эз 1369 ве 783 те школеи идоре эз 874, чуь гуьнжуьндени 100% ве 90% эз жэгIмие гъэдер хунденигьо идорегьо.
Бинелуье везифе – зевербиреи гъэдерлуьи секонеисуьзи уруссигьоре, боржбери э дегиши ве зобуне ухшеши.
Министр соводи Догъисту гьемиге ихдилот сохди, чуьки э рамке Разименди Минданани РФ ве Хьуькуьм РД регионе миё бу доре 2,8 млрд монет эри дануьсде расунде герме хурек хундегоргьоре 1-4 классгьо, эри гьеммееки серкеширегоргьо хьуькуьмлуье ве муниципальни хундение идорегьо э 2024-муьн сал.
Э имбурузине руз э Догъисту эз 1369 школегьо, э комигьоки дануьсдени расунде герме хурек эз 1 те 4-муьн классгьо, менэхьэфиревоз э назар вегуьрди энжэгъ 64 идоре э назар вегуьрдеи 34734 хундегор.
Менэхьэфи э кор венгесде э школегьо Каспийск, Дербенд, Хасавюрт ве э Тарумовске дигьбон.
«Не эз е тек идоре вогу э сер хьозуьрлуье герме хурек эз лой деде-бебе, гIэилгьо ве гузетсохдегор-э зеверсер органгьо не гьисди»,- эрзо сохди министр.
Э доклад э товун корсохи эри зиёд хубте биреи хурекхури мол, расунденигьо э медицини идоре республике, ве э товун бараси гузетсохдегор ве э зеверсер эри угьо бире хубте ве хэтосуьзе бирмундеи министр дошдеи жунсогъире Догъисту Татьяне Беляеве.
Рэхьбер министерстви мэгIлуьм сохди, чуьки э гъосут хубте дануьсде расунде э медицини идоре хубте молгъэрере э 2019-муьн сал гировунди кор э сер хьисобсохи э мэгIлуьмети тегьер «Меркурий» медицини идоре, муьдибирегор Минздрави РД, гьемиге овурди хэбер те рэхьбергьо медидоре э товун гировунде кор э дебердеи ветеринарие рэхь сохи зиреклуье когъози э оводунеи сохде.
Урусгерекгузети э РД Залимхане Омариеве. Бирмундеи ихдилот сохди э товун бире гъозие э кор венгесде хурек хурекхури, э гъэд ю деригьо пальмови руьгъэн, гьемиге э товун зобуни корисохи э жунсогъи гIэилгьо.
Омариев огол зери рэхьбергьоре жэгIмисоводлуье идоре ве серворгьо муниципальни дигьбон доре жейлее тигъэти гьисдигьо четини ве гировунде гешдеи э сер гьисдигьо пробе пальмови руьгъэн, хуб не гьисдигьо пробе шири мол ве гушд.
«Гереки нисди восдоре хуьшге шир ве хурек э пальмови руьгъэн э гъэд ю эз фегьм не сохде фуьрсорегоргьо. Имуре э Догъисту гьисди эн хуьшдени гъэгъигъэтлуе темизе ве хубтее мол! Согъбоши угьоре эз у, чуьки гирдеи планке. Хорундеи гIэилгьо миё бу энжэгъ хубтее мол»,-
тэгIбир сохди докладе А.Абдулмуслимов.
Рэхьбергьо хьуькуьмлуье ве муниципальни хундение идоре бири фуьрсоре десхэти э кумекии тэгIрифноме э восдоре омореи пушоки дире дануьсдеи минкини нуботи вихдеигьо мол догъистони мол бегьем сохдегор э моллуье знак «Догъистони хурек».
Э овхьолет э 9-муьн февраль 2024-муьн сал эз 1403 хунденигьо идоре 658 восдорени мол э моллуье знак «Догъистони хурек», чуьки гьисди 46,9% эз гьемме гъэдер жэгIмисоводлуье идоре, диеш 806 идоре восдорени мол догъистони мол ведешендеи э арти республике.
Эз гьисдигьо МинобргIилми РД, эз 2021 те 2023 сал доруние гъэдер э кор венгесдеи э школегьо догъистони мол зевер бири эз 10 те 60% э хотур. чуьки рэхьбер республике нори гье у везифе е тек эз вожиблуье эри социальни десден э гъосут дануьсде расунде имидлуье хубе хурек, э кор венгесденигьо э школегьо.
Бегьем сохдеи гуьрдлеме Комиссии э товун э гъэршуй кори сохдеи гъонунсуьзлуье чаруьсдеи ветэгъэ мол э Республике Догъисту, Сернуьш Хьуькуьм РД Абдулмуслим Абдулмуслимов гъэдэгъэ зери рэхьбергьоре органи хьуькуьм дануьсде расунде 100% хьисобсохи те школеи хунденигьо, жэгIмисоводлуье ве социальни идоре, восдоренигьо шири мол ве хурдение гIов, э оводуни «Номуслуьи нум».
