18 марте э Догъисту э гъуллугъ кори омори министр экономики параменди Уруссиет Максим Решетников. Э рэхьбери эн урегьо гирошди э шегьер Кизляр гуьрдлеме, э товун пуьрсуьшгьо параменди отрасльгьо онгурбогъдори ве шоробсохи.

Гьееки э сервор Минэкономпараменди РФ э республике гьемиге оморет жигегир министре экономике параменди Уруссиет Федерацие Сергей Назаров, жигегир министре монети Уруссиет Алексей Сазанов, сервор Департаменте социальни-экономики параменди СКФО Игорь Храновски, жигегир сервор «ВЭБ.РФ» Даниил Алгульян ве екиге.

Э шолум гуфдиреи э гъуногъгьо руйбиреи Сернуьш Догъисту Сергей Меликов. У согъбоши гуфдири Максиме Решетникове э тигъэти доренигьо Догъисту э жуьр-бе-жуьрелуье рэхь кори.

С.Меликов гьемиге гIуьзет сохди, чуьки э песини се сал отрасль онгурбогъдори бири вожиблуье гердундеи экономике Догъисту, комики кумеки доре параменди ве тенге молведешенде.

«Эзуновлейге гье у диеш омбор мибу корисохи э минкини региони жэгIмие мэхьсуьл, коминики гьер сал зеверте бире»,- нушу дори боворини сервор регионе.

Э нубот хуьшде, сервор Минэкономпараменди Уруссиет Максим Решетников гIуьзет сохди омонети республике э гъэд параменди онгурбогъдори э вилеет.

М.Решетников гьемиге ихдилот сохди, чуьтам механизм доре овгъотгьо эз вечире оморигьо кем сохдеи гъэдере э отрасль бири барасилуье бегенмиш сохде э гъэд Республике Догъисту эз 2020-муьн те 2023-муьн салгьо.

Э гъэд се сал молведешендегоргьо гировунди экуьнди 5 млрд монет э зиёд фирегьсохи мейдон онгурбогъ, омборте эз 1 гьозор га бири доноре, гьемиге восдори оборудовани эри эну гъиребир сохде. Гьемиге у руьхсет дори ведарафде э дуьруьжде бараси э вечиреи онгуре, имуре 60% веромореи э арти песини 5 сал, гье у гьисди лап хубе бирмунуши. Механизм субути хуьшдени барасилуьи, унегуьре Президент РФ Владимир Путин разилуьи э игъролноме иму дуь эекиревоз федеральнигьо органгьо хьуькуьм ве регионе э товун гьишде зевери пул вечиреи эз молведешендегор коньяки мол э гирошденигьо 2024-2026-муьн салгьо»,- гуфдири у.

Э имбурузине дэгъдэгъэ, чуьтам мэгIлуьм сохди Решетников, Минэкономпараменди РФ гъул кешири 5 разименди э корхонегьоревоз (4 эз Догъисту ве 1 корхоне Краснодари улке).

ГIуьзет сохде, чуьки зуте Хьуькуьм Уруссиете бири гъобул сохде гъэрорноме э товун дуразкеши корисохи зиёде гъэдер э акциз эри молведешендегор уруссиети коньяк э 2024-2026-муьн салгьо игърол бесде разименди э Минэкономпараменди Уруссиет. Веровурд сохде э у гъэдер кумекии дануьсде корхонегьо, комигьоки вегирде э хуьшде ёгъинлуье омонети вегирде овгъотгьо э параменди шоробсохи ве онгурбогъдори. Меселен, угьоре венгесде э рэхь тозе дегиши корхоне, фирегьсохи мейдон онгурбогъ. Гьисдигьо кор доренигьо овгъотгьо эз вечире оморигьо э отрасль бири барасилуьи бегенмиш сохде э гъэд Республике Догъисту эз 2020 те 2023-муьн салгьо.

Э гуьрдлеме э докладегьо э товун параменди отрасле онгурбогъдори ве шоробсохи э Республике Догъисту бирмунуши бири Сернуьш Хьуькуьм регионе Абдулмуслим Абдулмуслимов.

У сергуьрди бирмунуши хуьшдере эз согъбоши гуфдиреи э Минэкономпараменди, Минфин, ве Миндигьхозе Уруссиет э товун бинелуье тигъэти, доренигьо э пуьрсуьш параменди онгурбогъдори ве шоробсохи э вилеет, ве республике, э сереботи дореи кумеки э корисохи ве гъэрорноме, дануьсде расунде желдлуье параменди отрасле.

Сервор Догъисту мэгIлуьм сохди, чуьки э гъосуьт онгурбогъдори республике имбуруз хэвлетсуьзи зиёдте 250 одоми зиреклуье корисохи. Э бедел республике оморени зиёдте чоримуьн бэхш – 27% онгурбогъ Уруссиет, жэгIмие мейдон угьоре эз арти 2023-муьн сал гуьнжуьндени минжигъ омборте 27 гьозор га. ЖэгIмитегьерие вечиреи онгуре э республике гирошдигьо сал расири нуботлуье лап зиёдие гъэдер э песини дегьисалие – 282,7 гьозор тонн, э миглее бегьерлуьи 123 ц. га. Гьечи биренге, Догъисту э гьисдигьо бирмунуши гье гене ведарафди э зевертее жиге, вечиреи 36% онгур Уруссиети Федераци, Э и товун гуьре э гъиребир сохде фуьрсори экуьнди 70% вечире бегьере 196,2 гьозор тонн.

«Гьелбетте, чуьки тозе минкине э товун параменди отрасле веди бири бэгъдовой гъобулсохи федеральни гъонун «Онгурбогъдори ве шоробсохи э Уруссиет Федерацие», комигьоки пушоки дануьсде зиёде хэйрлуь ве кумекии эри корсохгьо мол шороб эз темизе хоме мол, эри кор венгесде комики республике гъобул сохди лап желдлуье бэхшвегири. Гереки гIуьзет сохде зевербиреи гъэдер хьуькуьмлуье кумекии онгурбогъдори ве шоробсохи э риз Миндигьхоз Уруссиет э песини салгьо, гьемиге вожиблуье дегиши э структуре эну. Эгенер э 2021-муьн сал э кумеки отрасле республике бири доре 226,4 млн монет, оммо э 2024-муьн сал пушоки дире дануьсди 645 млн монетгьо»,- мэгIлуьм сохди сервор регионе министерстве. А.Абдулмуслимов гьемиге ихдилот сохди, чуьтам догъистони шоробсохтегор параменд сохде корхоне хуьшдере э хотур чуьки вегуьрде муьзде доре э жире вечиреи э дореи акциз.

Зиёдие себеб э хьэвес венгесдеи параменди корхоне-молведешендегор коньяки мол, эз гофгьо жигегир-министре, дори дегиши э Налогови Кодекс РФ, пушоки дануьсденигьо вегуьрде муьзд доре вечиреи э жире ведешендеи эз акциз, э гъосут песдеине вогосундеи вегуьрденигьо э угьоревоз овгъотгьо э онгурбогъдори ве шоробсохи.

«Э 2023-муьн сал Хьуькуьм РД нори 14 вегуьрдегор муьзд кем сохдеи гъэдере, э комигьоки бесди омонети разибиреи, рэхь дореи э параменди корхоне э хьисобсохи овгъотгьо вегуьрденигьо э жире муьзд дореи эри э кор венгесде молведешендеи шоробсохи мол.

Бараси эз гьисдигьо кумекии гIэмел миёв гъиметдии ёгъинлуье бирмунуши. Гьечуь, э гъэд 2023-муьн сал корхонегьо молведешендегор мол ичкуи э республике дори гьемме 6,5 млрд монет э бюджетгьо жуьр-бе-жуьрелуье риз гъэдерлуье, э у хьисоб 2,9 млрд монет акциз, э гуьнжо овурди омборте 1,5 гьозор тозе жиге кор, э у хьисоб 900 жиге гьеммишеине. Э гъэд 2023-муьн сал доруние гъэдер расундигьо э онгурбогъдори ве шоробсохи овгъотгьо гуьнжуьндени 2 млрд 471 млн монет. Э гирошдигьо сал Президент РФ В.Путин, э товун кор бири э Догъисту у гьемиге разилуьи бири дуь эекиревоз сохде игърол Минэкономпараменди Уруссиет ве рэхьбергьой республике э товун дуразкеши кор кумекии шоробсохдегор, гьэгъигъэт муьзд вечиреи. Зеверие бирмунуши эри э кор венгесде кем сохдеи гъэдере ве гьемме акциз, эгенер эз онгур сохде энжэгъ шороб э технологи битов согъэ тегьер гъэдере, гьишдени э 2024-2026-муьн салгьо. Гье у гьисди келе кумекии эри шоробсохгоргьо республике, чуьнки омборте пул дорогор гьейсэгIэт гьисди е гъэдер вэгIэдо шинох биреи тозе хори, э пушо норе везифе,— гуфдири жигегир министр РД.

Гуфдиреки э товун пушо норе везифе э параменди отрасле, А.Абдулмуслимов ихдилот сохди, чуьки э Догъисту э рамке тегьер параменди онгурбогъдори те 2035-муьн сал ве шоробсохи миё бу зиёд сохде мейдон онгурбогъ те 34 гьозор га. Э гирошдигьо сал э республике кошде омори 843 га онгурдор, оммо э гирошденигьо сал э пушо нори дешендеи гене 1264 га.

Бэшгъэ сервор расири пуьрсуьш э кор венгесдеи дуьруьжде проектгьо э товун дешенде тозе онгурбогъ. Э кор венгесде проектгьоре мибу э 2025-2026-муьн салгьо, э имбурузине руз эз 1354,8 га дешенде омори зиёдте 405 га.

«Э гъэд эну – дуь дуьруьжде пул расунденигьо проект э кор венгесде АО «Кизляри коньяк завод».

«Дешендеи онгурбогъ э 311 га э Дербенди дигьбон», э рамке комики веровунди дешендеи онгурбогъдори э мейдон 230 га ве «Дешендеи онгурбогъ э 140 га э Кизлярски дигьбон». Э гьисдигьо проект гировунде коргьо проектни-сметни зиреклуье когъоз. Э жиге овурде дешендеи онгуре мибу э 2024-муьн сал.

Эзуш бэгъэй, веровунде ижире проектгьо чуьтам: «Дешенде онгурбогъ э 331,8 га э Дербенди дигьбон эз ООО «Дербенди шоробсохи компание» ве проект «Дешенде онгурбогъ э дугъле гIовдореи э хории мескен мейдоневоз 572 га э Дербенди дигъ Митаги-Казмаляр» эз ООО «Тегьенг Каспие», ихдилот сохди э товун вожиблуье проектгьо э отрасль Абдулмуслимов.

Э рамке гуьрдлеме гьемиге бирмунуши нушудорегоргьо Минэкономпараменди РФ, Миндигьхоз РФ, Миндогъхозмол РФ.