Э песени салгьо хозяйство дигьбони Догъисту бирмунде хубе параменди. Э Республика зевер бири хубтее бирмунуши эз вэхд совети. Э у товун Сервор Догъисту Сергей Меликов гуфдире э гуьрдлеме Несиет э сер Сервор Республики Догъсту э параменди хозяйство дигьбони. Э гуьрдлеме гъобул сохде бэхшвегири серворгьо идоре, серворгьо дигьбоникорхоне, гIилмчи, сервор улкгьо.
«Мере воисде гуфдире согъбоши жофо кеширегор э дигъбон. Угьо те эхир бегъм сохде хуб бараси»,- гIуьзет сохде Сергей Меликов.
У гуфдире, чуьнки барасигьо бире гье белки э хотур кумеки доре эз лой Минсельхоза РФ ве министра Дмитрия Патрушева.
Зевер бире гъэйгъу э сэхьиблугъи э пушо игъроле коре гъэрорноме вожиблуье везифе – пулрасуни эри дошдеи хуреклуье секонеисуьзи вилеет.
Бирмундеи министр хозяйство дигъбони ве хуреклуье Мухтарбий Аджеков гуфдире, чуьнки АПК республики веди сохде хубе барасигьо. Э 9 мегь и сал пулрасуни эри дошде зиед биреи э 4,8%.
Э и сэхьиблугъи гьисди хубе хьуькуьмлуье кумеки. Э и сал э кумеки доре АПК республики эз министерство доре 2932 млн монет. Вожиблуье эри АПК гьисди кредитование.Тум шендение мейдун гуьнжуьнде 357 гьозор га, э 10,6 гьозор омбор эз гирошдигьо сал. Сергуьрдеи кор э тозе гъугъэр э 6330 га. Не денишире э зевербиреи гъимет э сельхоз технику, восдоре оморе 331 техника э 673 млн. монет. Веровундеи 28 коргьо э гидромелиорации, 30 кор э культуртехнике ве 12 кор э фитомелиорации. Э и мегь э Догъисту хьисоб сохде омори 5,1млн. гусбендгьо ве буьзгьо. 956 гьозор говгьо,4,6 млн керг. Дошде ведировунде: гушд – 165 гьозор тонн, шир – 759 гьозор тонн, хое – 184 млн доне.
Зевер бире корхоне ве бегьерлуи дуне: эз 31,4 гьозор га гузет сохде 150 гьозор тонн бегьер. Зевер сохде корхоне дунере э республике гьишде э гуьнжо овурде э софун дунелуье жейлее чагарлуье мескен эз чор корхоне э зиед кор сохдеи гъувотлуьи 264 тонны.
Республика бисдо суьфдеи э кошде веровундеи емиш э вилеет, кошде оморе 2,2 гьозор богъгьо.
Э республике э гуьнжо овурде пешмшушденигьо гъувотлуьи ве корхоне бофдение русму.
Гье у гьишдени зиед кор сохдеи те 3,5 гьозор тонн пешм ве э гуьнжо овурде 900 тонн мол.
Э Догъисту гировунде гешдеи гIилми хозяйствой дигьбони. Э у товун э гуьрдлеме несиет э АПК ихдилот сохде и.о. сервор гIилмие бинелуье мескен РД Нариман Ниматулаев. Э республика тозеден вокурде тумверовундеи корхоне э гIилмие бинелуье мескен э Хасавюртовском улке. ГIейсэгIэт кошде веровунде 1,5 гьозор тонн тум тэхуьли. Э гуьнжо овурде тозе жинс гусбенд.
Э товун параменди аквакультуры ихдилот сохде сервор Комитета э жэгIие корхоне Республики Догъисту Хадижат Шамхалова.
Э жэгIи сэхьиблугъи бинелуь гьисди жэгIгири. Гьисди гъирогъ дерьегь, комики руьхсет доре кошде веровунде 40 гьозор тонн жегIи э сал.
Доруние дерьнгьче, хьэвуьзгьо руьхсет доре э и зури зевер сохде мол жэгIи.
Сернуш несиет э онгуркелесохде Республике Догъисту Шериф Керимханов гуфдире э товун гьово онгури – шоробие гуьрд сохде э идоре комплекса. Э Догъисту онгургьо кошдеи э 26,6 гьозор га. Те 2035-муьн сал зевер сохде кошдеи онгуре те 34,7 гьозор га. Э и сал онгур кучмиш сохде 282,7 гьозор тонн, э 14 гьозор омбор эз гирошдигьо сал. Э кошдеи онгуре доре омори 2,4 млрд. монет. Сергей Меликов гуфдире, чуьки э Дербентский улке е ченд келе корхоне эри кошде онгургьо.
«Могьлугъ, эже хоригьо э кор венгесде эри кошде онгуре, вегурде кумекии доре»,- гIуьзет сохде Сервор Догъисту.
Э гуьрдлеме фегьм сохде пуьрсуьш параменди АПК, ве хьозуьр сохде корсохгьо эри дигьбониекорхоне, кумеки доре агропромышленным идоре, параменди форелевых сэхьиблугьи.
