ГIэзизе дусдгьо, гIэзизе гьемватанигьойму! Иму пой норейм э 2019-муьн сал. Хубе войгегьо, ниетгьо, мэхьшевогьо! Одомигьой жире-бе-жире вилеетгьо ве дин-догIотлуье инсонгьо эз гъэдимие вэхдгьо гировунденуьт шоре мигIид Тозе салире.

Э руз эни товушлуье мигIид расиренге иму фикир сохденим, чуьжире хубигьо иму сохдеймге эри гъэдимие шегьер иму Дербенд, эри куьнде хьовиргьо-хьэрмэхьгьойму, эри хунеигьойму. Ве гьемчуьн фикир сохденим э товун, кире гъэрхунд мундеймге, енебуге чуьжире гъэлетигьо сохдеймге. Эзу товун ведешенит дуьлмундеигьоре, мэхьило сохит дуь екире. Вохурит тозе сале э динжи, сокитиревоз, рэхьмедуьли, номуслуьиревоз, э келе мугьбетевоз, эки гьер одоми. Тозе оморенигьо сал мозол ве шори биеро э хунегьошму. Э бэхдевере мигIид Тозе сал нуьшде э кифлетгьошмуревоз э пушой суьфрей мигIиди, э шориревоз пейлере зере, дуь екире омбаракбу сохит, э ер гирде тозе метлебгьошмуре. Эз гьеммей дуьли эдее омбаракбу сохденим хэлгъ имуре, кукгьо ве духдергьо юре, зигьисденуьтгьо неки э Догъисту гьемчуьн э де вилеетгьой гIуьломиш э мигIид Тозе салиревоз. Хосденим эри гьемме ферзендгьой хэлгъ иму расиреи э келе барасигьо. Бигьл дусди ве никилуье гъуншилугъи, комигьоки мундет эриму эз бебегьо-келебебегьойму, гъоимлуь дебошут э гIэрей хэлгъгьой вилеет иму. Жунсогълуь ве мозоллуь гердошит! Согъи, саламети, шори, ники биевгьо э гьер кифлетгьошму, гIэзизе дусдгьо!                                                 Коллектив корсохгьой редакцией гозит «Ватан».