Э вохурдеи Хэлгъие Гуьрдлеме Республике Догъисту сернуьш хьуькуьме РД Абдулмуслим Абдулмуслимов шинох сохди мэгIлуьметире э товун барасигьо корисохире кабинете министргьо э песой 2025-муьн сал.
Премьер-министр бирмунди хубе дегишигьо э бинелуье сэхьиблугъигьо экономике ве социальни иловле, риз кешире, чуьки гьемме вокурде оморе объектгьо э гуьнжо овурде бинеденлуь, э омборе вэхдгьо ве эри одомигьо.
Сафари: жэгIмитегьерие ведарафдеи эз пэхьни биреи
2025-муьн сал бири вожиблуье эри сафарие сэхьиблугъи Догъисту. Э сереботи э кор венгесдеи эз март региональни хьуькуьмлуье фегьмсохи бизнесе сер гуьрди желди ведарафде эз пэхьни биреи.
Бинелуье бирмунушигьо: сафарие омореи гуьнжуьнди 1 млн 980 гьозор одомигьо – зиёд бири э 7%, гъэдер овгъотгьо бэхшсохдеи зевер бири э 14,5% (те 892 тек), э еклуье нуботноме деберде омори 330 объектгьо – зевер бири э 67,5%, сафарие налог овурди э бюджет 49 млн монет, гъэдер тогIинсохдеие экскурсоведгьо зевер бири э 57,5%.
Э гъэд параменди Каспийски зкуьнди гъирогъие десдере – еки эз федеральни проектгьо «Пенж дерьёгь ве дерьёгьче Байкал» — бесде омори 18 резедентски разимендигьо э доруние гъэдеревоз пуледореигьо 61,1млрд монет, чуьки гьишдени э гуьнжо овурде экуьнди 4 гьозор гъуногъхонее нуботномегьо.
Соводи: зевер биреи имидлуьире ве тозе жигегьо
Догъисту омбор хубте сохдеи гъэножогъире э иловле соводи: э гъиметдии Рособрнадзоре республике зеверо верафди эз 84-муьн те 59-муьн жиге.
Барасигьо ЕГЭ ве инфраструктуре: 34 сад балл вегирдегоргьо, 1060 хундегоргьо вегуьрди бэхшгьо I гъэдере, 871 – II гъэдере, вокурде омори 15 школгьо э 5440 жиге ве 5 бохчегьой гIэили э 850 жиге, зиёд сохдеи вокурдеире гене 19 школгьо ве 12 бохчегьой гIэилире.
Вожиблуьи те школеи соводире зевер бири те 93,71%, нубот кем сохде омори э чор гиле – те 7,5 гьозор гIэилгьо.
Программе «Земски тербиедорегор» э хуьшде вогосунди э дигьбоние школгьо 10 тозе тербиедорегоргьо э 2025-муьн сал, эз 2019-муьн сале – 430 сэнигIэткоргьоре.
Социальни политике
Социальни кумекии дореи мунди вожиблуьиревоз хьуькуьме. Жирелуье тигъэти – бэхшвегиргьоре СВО ве кифлетгьой эн угьоре.
Социальни контрактгьо: бесде омори 6674 контрактгьо э гъэдер 1,31млрд монет. Эз угьо 435 – э бэхшвегиргьоревоз СВО ве кифлетгьой эн угьоревоз, э гуьнжо овурде омори 16,9 гьозор социальни паспартгьо эри кифлетгьо лешгеригьо.
Муьзде дореи ве хунегьо: 210 гьозор льготникгьо вегуьрди муьзде дореи э 2,6млрд монет, э хубте биреи хунеие иловлере фуьрсоре омори 325 млн монет, 77 когъозгьо эри восдореи хуне доре омори келетегьоре, шуькестгьоре ве чернобыльцгьоре.
«Пушолуье» проектгьо: 111 млрд пуле дореигьо
Э 2025-муьн сал э Догъисту зиёд сохдеи веровундеи дуьруьжде пуледореие проектгьоре.
ЖэгIмие бараси: э хуьшде вогосунде омори 111, 1 млрд монет (эз угьо 76,9 млрд – жейлее пуледореигьо), э гуьнжо овурде омори 3401 корие жигегьо.
Спорт: барасилуье сал
2025-муьн сал бири эри догъистуние спорте мэгIлуьмлуьи.
ЖэгIмие артигьо: вегуьрде омори 2046 бэхшгьо, эз угьо 624 суьрхи (э 172 бэхш омборте эз 2024-муьн сале), 96 бэхшгьо э чемпионатгьо ве суьфдеигьо Европе ве вилеете, гъэдергьо догъистунигьо э десдегьо вилеет зевер бири эз 240 те 547 одоми.
Вокурде омори 5 «эгъуьлменде» спортплощадкогьо ве площадкогьо ГОТО. Э 2026-муьн сал везифе норе омори вокурдеи ве тозеден э хуьшде дировундеи 33 объектгьо спорте, 28 эз комикигьо миварасуну те эхир сал.
Иловле жофоре: дегиш нисе бирение ве гъонунлуь сохдеи
Гъозие э иловле жофо мунди дегиш нисе бирение.
Бинелуье бирмунуши: жэгIмие корсуьзи зофру бири те 10,9% (э 2024-муьн сал – 11,2%), бирмундеие корсуьзи – 0,3% (4,8 гьозор одоми), жофо кешире эки 11 гьозор одоми, э у гъэдер 78 бэхшвегиргьо СВО, гъонунлуь сохди 31,3 гьозор корсохгьо – везифе «рэхьие карте» веровунде омори э 4,5%.
Культуре: «Суьрхине лигъоб» тозе сохдеи объектгьоре
Иловле культуре вегуьрди гъувотлуье дегишбиреи парамендире.
Инфраструктурни дегишигьо: сер гуьрди коргьо э вокурдеи Догъистуние госфилармоние, дуьруьжде гъуьчсохи Миллетлуье библиотекере, Уруссиетие драмтомошере ве ДК э Каспийске, вокурдеи Азербайджански томошере э Дербенд, э гуьнжо овурде омори 3 модельни библиотеке, бэгъдовой тозеден э хуьшде дировундеи вокурде омори Музей лешгерие гIуьзете э нум В.Макарове.
Жовоние политике: хубтее волонтёрски вокурдеи вилеете
Догъисту бирмунди хубтее бараси э Уруссиет эсер э гуьнжо овурдеи волонтерски жуьмуьсдеире.
Барасигьо: омборте 65% жовонгьоре бэхшвегири сохде э ватанхогьие ве волонтёрски корисохигьо, 200 гьозор волонтёргьо, эз угьо 80 гьозор нуьвуьсде омори э платформе «Рэхьми.РФ», 13 гьозор э войгей хуьшде гуьрегьо дарафди э волонтёрски корпус 80-муьн салие Бараси – хубтее бирмунуши э вилеет.
Кумекии дореи СВО; кучмиш сохди ве фуьрсоре омори омборте 5 тонн гуманитарни шелере, гировунде омори 150 дуьруьжде корисохигьо, эз угьо сад ватанхогьие фуьрсореие.
Барасигьо э боржберигьо: Д»огъисту гъобул сохде омори барасиберевоз гьеммеуруссиетие боржберигьо «Регион рэхьмедуьле коргьо» ве «Регион эри жовонгьо».
Вегуьрде омори гене федеральни пуледореи 153 млн монет э 2026-муьн сал. 709млн монет мифуьрсу э грантови кумекии жовонгьое войгегьоре.
Бинелуье эдеб – миллетлуье проект «Дуразкешие ве желдие зиндегуни»
Серворие барасигьо 2025-муьн сале э иловле дошдеи жунсогъире: зофру биреи соворлуье муьрдеи э 31,3% (эз 6,5 те 4,6 э 1000 зенде оморегоргьо ) э сер гьуьндуьре гъэдер зендеи – экуьнди 43,9 гьозор гIэилгьо, вокурде омори 41 объект, тозеден э хуьшде дировундеи 2, дуьруьжде гъуьчсохи гировунде омори э 76 идорегьо, норе омори 171 мошин медицинеие транспорте ве 746 тек тозе оборудовани, восдоре омори 2 990 тек медоборудованигьо (эз угьо э 219,7 млн э хьисоб ОМС).
Гьуьндуьретехнологични кумекии вегуьрди омборте 11 гьозор одоми. Э РКБ э нум Вишневски дешенде омори тозе тегьергьо софи сосудгьоре. Вокурде омори 12 аптекегьо эри льготникгьо э чор шегьергьо ве хьэшд райцентргьо, доре омори дермугьо э гъэдер омборте 653 млн монет.
Эсер программегьо «Земски духдир ве фельдшер» кор офде омори эри 139 медикгьо (116 духдиргьо ве 23 миглее корсохгьо). Фирегь лов сохди 226 жигегьо паллиативни кумекии, кор сохденуьт 9 рафдение десдегьо.
Хьуькуьм республике зиёд мисоху коре э гьемме гуфдире оморе рэхьгьо, доре жирелуье тигъэти бегьем сохдеи дуьруьжде инфраструктурни проектгьоре ве кумекии дореи одомигьоре.
