Догъисту ве Уруссиетие моле э де вилеетиге бердеие бине бесди разименди э товун кори сохдеи дуь э екиревоз. Когъозе гъул кешири э Москов сервор регионе Сергей Меликов ве сервор РЭЦе Веронике Никишине.

Лойгьо мибу кори сохдеи дуь э екиревоз э иловле зевер биреи моле бердеие минкини регионе ве э кор венгесдеи барасилуье гъэдергьо хьуькуьмлуье кумекии эри моле бердегоргьо.

«Иму диреним ве гьуьндуьр гъэдуьрданим коре республике эсер параменди моле э де вилеетиге бердеире ве везифе нореним гъувоте зиёд сохде кумекии дореи регионе, э кор венгесде гьеммей овгъотгьоре РЭЦ. Э 2025-муьн сал иму дорейм омборте 150 гъуллуггъигьо 84 компанигьоре Догъистуре ве имид дошденим, чуьки бэгъдовой бесдеи разимендире зевер мибу ве доруние гъэдер кумекии дореире, ве гъэдер компаний, комикигьо э кор венгесде гъуллугъсохигьоре РЭЦе»,- бирмунди Веронике Никишине.

Сергей Меликов эз лой эн хуьшде риз кешири, чуьки Догъисту сэхьиб бире келе моле бердеие минкиниревоз э иловле промышленни, хозяйствой дигьбони ве сафари. Республике сехьиб бире жирелуье бэхшсохдеие минкинигьоревоз, чуьнки регион ек бире э гIэрейхэлгъие транспортни сироревоз «Софун-Дорум».

«Вожиблуье везифегьоревоз имбуруз гьисди веровундеи миллетлуье войгере эсер зиёдсохи хоме молсуьзе энергетическисуьзе моле э де вилеетиге бердеи ве э гуьнжо овурдеи барасилуье тегьер хьуькуьмлуье себеб э хьэвес венгесдеие бурунее экономически корисохире».

ГьейсэгIэт Догъисту желди ведарафдени э фурухдение жигегьо дуринее эз серхьэд эуло, гье евэхди муьхькем сохдеи кори сохдеи дуь э екиревоз э вилеетгьоревоз СНГ. Унегуьре эри иму вожиблуь, эри чуь региональни компани берде минкини овгъотгьоревоз кумекии дореи РЭЦе.

Э сер артигьо гирошдигьо сале э Догъисту барасилуь веровунде омори корисохигьо миллетлуье проекте.

«ГIэрейхэлгъие идоре ве моле э де вилеетиге бердеи» ве рафди расири везифелуье бирмунушигьо федеральни проекте «Еклуье гъэдергьо параменди гIэрейхэлгъие идорегьо ве моле э де вилеетиге бердеи».

Боворини, чуьки дуь эекиревоз коргьо гьишдени имуре неки дошде, оммо ве зевер сохде рафде расире барасигьоре»,- гуфдири сервор регионе.

Разименди гьемчуьн фуьрсоре оморе э пушобери миллетлуье бренде «Сохде омори э Уриссиет» ве зиёдсохи гъэдере региональни компанигьо – бэхшвегиргьо гье у программе.

Э ёр овурденим, чуьки 6-муьн марте э гъэд Рузе Республике Догъисту се корхонегьо уже ек бири эки гъэдер гирошдигьо жирей корисохи э войгей хуьшде гуьре сертификацие «Сохде омори э Уруссиет».