Э зир рэхьберисохиревоз серворе республике пуьруьш сохди вожиблуье пуьрсуьшгьоре, э гъэд комикигьо: коргьо идорегьо хьуькуьме э руйбиреигьоревоз одомигьоре; хэберлуье вокурдеи депутатгьоре ве рэхьбергьой хьуькуьме; сэхд сохди гъэрхундигьоре бюджетни идорегьоре э песой коммунальни гъуллугъигьо; дореи шегьергьоре ве районгьоре контейнергьоревоз эри ТКО.
Сер гуьрди гуьрдлемере Сергей Меликов эз пуьрсуьш э товун тозеден вокурдеи омборехунее хунегьоре э Каспийске, комики бордеборд бири эз БПЛА.
«Вожиблуь диеш зуте сохде коре ве гъобул сохде гъэрорномегьоре э муьзде дореи вогордундеигьоре э песой сохде бедхэржире. Герекии фегьм сохде гъуншие хунегьоре ве дануьсде доруние гъэдере гъуьчсохире лифтгьоре ве екейгегьо беделгьоре жэгIмие э кор венгесдеигьоре»,- бирмунди сервор республике.
Сервор регионе гъэдэгъэ зери рэхьберисохигьой шегьере, Минстрое Догъистуре ве Фонде гъуьчсохире диеш зуте сохде жирей корисохи тозеден э хуьшде дировундеире.
Жугьоб дореи идорегьой хьуькуьме э руйбиреигьо одомигьор
Рэхьбер Хьуькуьм эн Серкори Серворе ве Хьуькуьме РД Махач Омаров гировунди бирмунишигьоре руйбиреигьой одомигьоре э гъосуьтевоз ЖКХ.
Гьемме э ноябрь Бинеревоз рэхьберисохи регионевоз бирмунде омори 7,6 гьозор руйбиреигьо, чуьки э омборте эз 2 гьозор кемте, эз пушотеине мегь.
Э дуь гиле кемте фуьрсореи пуьрсуьшгьоре э сер четинигьо электродореире, угьо фуьрсоре омори э Минэнерго РД ве «Дагэнерго». Кем сохде омори ве гъэдере вогуре э зобуне овхьолет рэхьгьоре ве бежид поюндеи гIоведореигьоре.
Сервор регионе огол зери жугьоб доре э жирелуье гъозие-гъэдергьо, оммо вокурде еклуье коре ве те эхир бегьем сохде гъэрорномегьоре те эхир, эри чуь жирелуье гъозие-гъэдергьо гьич вэхд нисе вогогьруш сохде.
Эри чендгъэдери хэберлуьи вокурде депутатгьо, рэхьбергьо идорегьо хьуькуьме ве муниципалитетгьо?
Э товун эну э гуьрдлеме эсер э вэхд герек гьисдигьо пуьрсуьшгьо э ён С.Меликов гуфдири жигегир рэхьбере АГиП РД – сервор Рэхьберисохи хэберлуье политике ве пресс-гъуллугъсохи Серворе РД Р.Акавов.
Бинелуье везиферевоз фегьм сохдеире гьисди веди сохдеи барасилуье синогъигьо корисохдеи дуь э екиревоз идорегьо хьуькуьме э одомигьоревоз. Гъэножогъи эки гъиметдии жэгIмие: э хьисоб дешенде молгьоре э динлуье СМИ, желдилуьи э социальни тургьо ве мессенджергьо, гьемчуьн сес сохдеи коре – хушхьоле, битарафлуье енебуге биразилуье.
Топ-3 серворгьо муниципалитетгьоре: сервор Махачкале Д.Салавов, сервор Табасарански районе М.Курбанов, сервор Дербенде Х.Пашабеков.
Топ-3 депутатгьо Хэлгъие Гуьрдлеме Е.Павлюченко, М.Садуллаев, А.Шабанов.
Топ-3 рэхьбергьо идорегьо хьуькуьме: жигегир министре э миллетлуье политике Т.Абуталимов, рэхьбер Идорере эсер предпринимательстве ве пуледореигьо Х.Исрапилов, министр дошдеи жунсогъире Я.Глазов. Жигее идорегьо федеральни хьуькуьме э Догъисту гьемчуьн вегуьрдени омборе гъэдер руйбиреигьоре. Э гирошденигьо вэхд хубе меселеневоз бири рэхьбер Росреестре эсер э РД А.Пирмагомедов – у гировунди хуьшдени ю гъобули одомигьоре, вохурди э серворевоз Махачкале, гофсохи дуь э екиревоз э бинеревоз Левашински районе ве нушу дори везифере эсер хубте биреи девлетлуье беделе.
Э хэберлуье иловле гьемчуьн хуб бирмунди жигегире рэхьбере Социальни бинере А.Загидове, комики ихдилот сохди э товун электронни игъролгьо э маткапитале ве э дореи технически овгъотгьоре дузгунлуьигьоре, риз кешири, чуьки бинелуье жирей корисохигьо уже бири автоматизированни.
С.Меликов эз лой хуьшде бирмунди, чуьки хэберлуье желдилуьи вожиблуьни, оммо у нисе дегиш сохде синогъилуье коре. Энжэгъ гуьнжуьсдеи эн угьо, э гофгьой энуревоз, мидануь овурде эки барасигьо.
Э Догъисту гировунде оморе корисохигьо эри гъэлхэнди эз полиомиелите
Э товун гировунде оморе коре ихдилот сохди министр дошдеи жунсогъире республике Ярослав Глазов. Гьегене вакцинация гировунде оморе э гъэд гIэилгьо эз 3 мегье те 14 сали. Э артиревоз суьфдеи е гъэдер вэгIэдо вакцинацире гирошди 604 496 гIэилгьо (87,5% гIэилие могьлугъе республике).
Э сер эну э соводие идорегьо республике бири гировунде гуьрдлемегьо деде-бебеи, теке жейлее меслэхьэтгьо э деде-бебегьоревоз, кими тегьер дори бэхш сохдеи гIэилгьоре: вакцинесуьзгьо бири рэхьо дореи эз рафдеи эз школгьо ве бохчегьой гIэили. Э кумекии ижире хундегоргьоре бири э гуьнжо овурдеи дистанционни хундеи эз жирей корисохи электронни соводи.
Эз 2020 те 2024-муьн сал гъэдер фурухдеие жигегьо ве гировундеие объектгьо э регионе зевер бири э 32%.
46 муниципалитетгьо тозе сохди гуьнжолуьи бэхш сохдеи ижире объектгьоре.
Э хэберлуьи э песой 9 мегь 2025-муьн сале, гьэгъигъэтлуье дореи фурухдение жигегьоре зевер сохди гъэдере. ЖэгIмие бирмунуши гъэдере бердеие эзи ло э уло фурухдение объектгьоре ве фурухдение жигегьоре э ярмаркегьо э песой и вэхд гуьнжуьнде омборте 9 гьозор жиге.
Бирмунде омори бинелуье везифегьо
Гирошдеи эз гъэдер эки имидлуьи. Э дуьруьжде шегьергьо, эже фурухдение жигегьо омбори, вожиблуь овурде бурунее ведире э разилуьи биреи э архитектурни бинуширевоз ве дизайн-кодевоз муниципалитетгьоре. Э Махачкале гъэдер объектгьоре уже сэхд сохде омори.
7 муниципалитетгьо эрзо нуьвуьсди э товун недебиреи угьоре фурухдение жигегьоре, комки талаб сохде фегьмсохире.
Кор э девлетевоз
Э гуьнжо овурде омори нуботноме нисе э кор венгесдеие муниципальни девлетгьоре (22 объекте) эри гирошдеи эки сэхьиблугъи енебуге тозе сохдеи. Оммо нисе гьемме муниципалитетгьо шинох сохди нуботномегьой эн хуьшдере.
«Хосденум те эхир январь гировунде фегьмсохире девлетлуье комплексе э муниципалитетгьо, комики доре эри фурухдение объектгьо. Гье у сохде оморе эри зевер биреи налогови бине муниципальни соводигьо»,- гъэдэгъэи зери Сергей Меликов. Сервор регионе гировунди хьозуьр сохдеие артгьо 2025-муьн сале, гьемчуьн гуфдири барасигьоре фегьмсохдеи коре жейлее софхонегьоре.
