Сервор Догъисту Сергей Меликов гировунди рэхьберисохие штаб эсер овурде расундеи вокурдеире, тозеден вокурдеире, дуьруьжде гъуьчсохире объектгьоре э регион э гъэд веровундеи миллетлуье проектгьоре ве хьуькуьмлуье программегьоре.
Суьфдеи бо пуьруьш сохди пуьрсуьше игъроле э сер федеральни хьуькуьмпрограммегьо.
Еки эз бинелуье гъосуьтгьо – овурде расундеи хунегьо гlэилгьо-етимгьоре.
Чуьтам бирмунди суьфдеи вице-премьер Манвел Мажонц, хэбер э овурде расундеи хунегьо гlэилгьо-етимгьоре овурде те му-
ниципалитетгьо зуте э ёгъинлуье несиетевоз, оммо четинигьо э вэхдевоз гьеле гьисди. У э ёр овурди: шегьергьо ве районгьо гереки ве-
зифе норе гье у корисохигьоре э куьнде е ченд сал ве хьозуьр бире эки веровундеи угьоре.
«Коре э и рэхь гереки берде гьеммише эри гъэрорноме четинигьой одомигьоре, комики расиреи э гурундие зиндегуние гъозиегьо.
Вожиблуьи зуте офде хунегьоре эри гlэилгьо-етимгьо, не денишире э вегуьрдеи пулгьоре. Ве игъроле бесде нисе те 1-муьн май, те
эхир суьфдеи чоримуьн бэхш»,- гуфдири Сергей Меликов ве зуте мэгlлуьм сохдеи э товун жугъобдорлуьи рэхьбергьоре э песой венгесдеи программере.
Э гъэд федеральни программегьо «Кумекии дореи кифлете» ве «Гьемме хубте гlэилгьоре» те 2027-муьн сале пушоки дире дануьсдеи
вокурдеи 8 объектгьо соводире э Дербенд, Каспийск ве Унцукульски район. Гъул кеширеи гьемме игъролгьоре везифе норе те эхир май, ёгъинире гуфдири Манвел
Мажонц. Суьфдеи вице-премьер гуфдири э товун веровундеи еккейгегьо хьуькуьмпрограммегьо, э гъэд комигьоки везифе норе кучмиш биреи хэребеие хунеи фонде, вокурдеи рэхьгьоре, тозе сохдеи
коргьой коммунальни инфраструктуре.
Фегьм сохди э гуьрдлеме ве гъэрорноме пуьрсуьше эз хуьшде вокурдеи омборехунее хунегьоре. Э республике угьо зиёдте 800, э омборгьо хэлгъ зигьисдени. Сергей
Меликов риз кешири, чуьки нисди
еклуье гъэрорномегьо э гьемме хунегьо – гьер объект биё бу фегьм сохде бэшгъэ эри гъобул сохде гъэдергьоре.
«Гье у келе четини, комики зобуни корисохи э экономике Догъисту.
Кимигьо эз хунегьо вокурде омори э хэтолуье жигегьо, нисе бирмунде, гьисди коммуникаци ве рэхьгьо, ве гьемме доре келе шелле веноре э инфраструктуре ХКХ. Гьер хунере гереки гъэрорноме эн хуьшде. Угьо зигьисде ве э кор венгесде э гъонунепузмишигьоревоз, оммо гьеркире – зн хуьшде жейлее гъонуне-
пузмишигьои. Гье у пуьрсуьшгьоре гереки гъэрор норе согъэ тегъер, ве гьер четини гереки офде гъэрорноме зн хуьшдере»,- риз кешири у.
Бинелуье гъосьут бири песшендеи эзуновлейге бире гъозие жирелуье гъозие э регионе.
Гуфдири сервор Бинелуье рэхьбери МЧС Уруссиет э РД Муслим Девришбеков. Эри нисдсохи эзуновлейге бире гъозие э кор вен-
гесде омборте 2000 одомигьо ве 566 теки технике, дешенде гъувотгьо МЧС Уруссиете. Хэребеие поюндеи электричестве гирошди э
15 районгьо, э имбурузине себэхь энергодореисуьз мунди омборте 100 могълугълуье жигегьо.
Энергодореи э дигьгьо тозеден вокурде те 6 шеви имбуруз. Четиние гъозие э е ченд могълугълуье жигегьо Рутульски районе, унжо электродореи тозеден вокурде эки
шеви дуьшоббот. Э кор венгесде е ченд десдегьо электрикгьо, э у гъэдер эз еккейгегьо муниципалитетгьо.
Э сереботи зиёдгъэдерие ворушгьо бири батмиш кучегьо э Махачкале, Дербенд, Догъистуни огни. Э Сулейман Стальски район
вечаруьсди куьрпи эз нуькери Курах-Чай, чуьки бурра 9 дигьгьо. Э кор венгесде 25 одоми ве 13 еки технике. Гьисди жигегьо эри пейде гешдеи.
Хэребеи бири транспортни рэхьгьо э 6 дигьгьоревоз Ахтынски районе, э ек дигьовоз Докузпарински районе, э еки дигьгьовоз Агульски районе, э 8 могълугълуье жигегьо
Акушински районе. Рэхьгьо мибу вокурде эки 6 шеви имбуруз.
Электродореи
Эри песшендеи эзуновлейге бире гъозие гъово дегуьрдеи э энергообъектгьо э кор венгесди 65 десдегьо: 95 сэнигlэткоргьо ве 74 ек технике. Жигегьо поюндеи келеи,
еки эз бинелуье четинигьо – гурунди енебуге бичоре рафде расире те жигегьо хэребеи э сереботи омборе верфе э рэхьгьо ве сенгъоф-
дореигьо. Гьейсэгlэт энергодореи э гьемме жигегьо тозеден вокурде омори, четини мунди гъозие э Рутульски ве Дахадаевски районгьо, унжо зиёдие коргьо сохде миёв.
Тозеден вокурдеи рэхьгьоре
Коргьо берде омори э шеши муниципалитетгьо, э кор венгесде омори 47 ек технике ве 94 сенигlэткор. Э пенж районгьо угьо бегьем сохди, Э Сулейман Стальски тозеден вокурде гьеммере везифе нори эки 18:00 себэхь.
Гlоводореи
Э товун мурдалиревоз КОР сэхд сохди шлюзегьоре э Вузовски дерьёгьче ве Хушетски гlоведошдеи.
Гъозие четин бири э недебиреиревоз электродореи: э нуботлуье сал везифе нори восдоре 80 генераторгьо гене эки гьисдигьо. Зигьисдегоргьо овурди гlове, сенигlэкоргьо
зури-зури темиз сохди эз хокоругьо канализацигьоре.
Э товун гъозие гуфдири ве серворгьо муниципальни соводигьо.
Э кимигьо могълугълуье жигегьо омори верф те 1 метр. Гье у овурди эки гъонунепузмиши рэхьие мэгlлуьметигьо, хэребии ЛЭП ве
бинебору, э бараси чуьни бири бегьем те эхир поюнде электродореи ве интернет-бесдеи. Социальни идорегьоре гирошди э еккейге чешме хурекхуригьо. Коргьо э тозеден
вокурдеи зиёд сохдеи.
Сергей Меликов согъбоши гуфдиреи гьеммейки корсохдегоргьоре э нисдсохи эзуновлейге бире гъозиегьо воруш-верфигьоре ве гъэдэгъэ зери серворгьой муниципальни соводигьо песде фегьм со-
хде пуьрсуьшгьоре тозеден вокурдеи могълугълуье жигегьоре.
