21-муьн октябрь Муниципальни жугьур-догъие театре э нум Л.Я.Манахимове бире гьовой музыкеи-литературни бирмунуши, комики гlуьзетсохи 95-муьн сали жугьурие шогьире Зое Семендуеве. Гьэгъигъэт э Руз догъистуние культуре ве гъовумлуье зугьунгьо гъуногъгьо бирмунуши дануьсде гуш дошде шогьирире э гъовумлуье зугьун, доре хьуьрметлуьи жугьургьой-догъие культурере.

Э программе бирмунуши бири омборе эз дорун гирошдение дестонгьо э зугьун жугьури ве уруси, комики возирегоргьо эн театре (Лиана Нагдимунова, Александр Рабаев, Наргиля Агаларова, Джамиля Ибрагимова) веровунде э жирелуье дивэгl жуневоз. Гьовой музыкеире веровунде хундегор театре Лауре Изгияеве хэлгlэт веноре шогьирире.

Томошесохдегоргьо дануьсди винире идорей дошдеи когъозгьоре видеонуьвуьсдеире, э комики Зое Семендуеве ихдилот сохде э товун зиндегуни эн хуьшдере ве хунде дестонгьо эн хуьшдере. Гье у дори бирмунушире жирелуье герми, гуйге шогьир э жиге бире э сегьне, гуфдире фикиргьо ве дивэгl жунгьо эн хуьшдере.

Жирелуье хэлгlэт корисохи бири бирмундеи Муниципальни десдей мэгlни ве вежегьисдеи «Дербент». Гьовой мзыкеире возирегоргьо бирмунде э томошесохдегоргьо миллетлуье гьоворе, комики хэлгlэт веноре бирмунушире.

Рэхьберисох культуре, жовонгьое политике ве спорте шегьерие хьуькуьм Самиля Наджафова омборекбу сохде гъуногъгьой бирмунушире э Рузевоз догъистуние культуревоз ве гъовумлуье зугьуноревоз. Э бирмундеи эн хуьшде у риз кешире вожиблуьи дошдеи культурни бинегьо ве гъовумлуье зугьуне.

Дингьо ве гъовумлуье зугьун эн иму – гье у, чуьки сохде имуре гъувотлуье, бесде имуре э гирошдеиревоз ве кумекии доре дошде жейлее эн хуьшдере. Лап вожиблуьи, чуьки жовоне эрхэгьо дануьсде ве хьуьрмет сохде зугьун эн хуьшдере, гьэгъигъэт эз угьо гирошде культурни гъиметлуьи ве дингьо, – бирмунде С.Наджафова.

Бирмунуши гирошде э жунлуье ве герме гъойде, гьишде э гьеммееки хубе нушу дореи. Согъбоши гуфдиреи гьеммере, ки бири э имуревоз ве бири гъэдер эн и жирелуье гъозие.