Довгlои комиссар Республике Догъисту Даитбег Мустафаев ихдилот сохди бердегор программе «Суьфдеи студие» телеканале РГВК «Догъисту» Анвер Багирове э товун дегишбиреи э контрактни гъуллугъсохи
31-муьн июль Президент Уруссиети Федерацие В.В. Путин гъул кешири буйругъ, э разилуьи коминиревоз гъэдуьрлуь зевер бири муьзд дореи эри угьо, ки войге гьисди бесде контракт э гирошдеи довгlои гъуллугъсохи э Ерэгъленмишие Гъувотгьо Уруссиети Федерацие.
Гьеймогьой, э хьисобсохи гъул кешире оморе буйругъевоз, эн иму довгlоигъуллугъсохгьо миё бу вегуьрде евэхдлуье федеральни муьзд дореи, коминики гуьнжуьндени 400 гьозор монет. Гьевел, те 1 август у бу э гъэдер 195 гьозор монет. Песде, э разилуьи буйругъноме хьуькуьм РД, евэхдлуье муьзд дореи э республике иму эз 10-муьн июль гуьнжуьндени 500 гьозор монет. Эзуш бэгъэй, доре оморени ве муниципальни муьзд дореи э гъэдер 100 гьозор монет. Эгенер эхирлуье фикир сохдеи, гlэмел миёв гlуьзет сохде, чуьки пуллуьи расундеи довгlоигъуллугъсохе э суьфдеи мегь гъуллугъсохи гуьнжуьндени 1 млн монет.
Гьемиге угьоре, ки игърол бесди контракт, диеш зиёд кумеки доре рэхьбергьо корхонегьо, идорегьо ве десдегьо, эз комигьоки у довгlоигъуллугъсохгьо рафде омори э гъуллугъсохи.
Эзуш бэгъэй, воисде бу риз кешире, чуьки гьермегьине муьзд дореи довгlоигъуллугъсох э жейлее мескен гировундеи СВО гуьнжуьндени эз 210 гьозор монет. Эки меселен, жигегир комвзвод сержант вегуьрдени 245 гьозор монет. Эзуновлейге, эз товун тур-темизсохи самолёт мибу доре 300 гьозор монет; тур-темизсохи вертолёт – 200 гьозор монет; тур-темизсохи довгlои ве зуьнде гъувот дуьшмен – 50 гьозор монет; тур-темизсохи танк – 100 гьозор монет. Ме хьисобсохде, чуьки гье у гьисди верзуьшлуье мушдулугъи ве гъэножогъи хьуькуьм эки лешгерчигьо иму, комигьоки веровундени эн хуьшдени ю ватандашие ве лешгерчие гъэрхунди.
Эзуш зеверте гуфдире оморигьо воисде бу диеш зиёд гуфдире чуьки гьер се шеви-рузи бэхшвегири довгlоигъуллугъсохи э СВО миё бу дуь шеви-рузи форигъэти, комигьоки миё бу доре э тегьер руз форигъэтии енебуге екбиреи эки вэхд форигъэтии эз кор.
Эзуш бэгъэй, гьер ним сал довгlоигъуллугъсох вегуьрдени форигъэти эз 15 шеви-рузи кемте не биреи хьисобсуьз рэхь эки жиге гировундеи форигъэтии.
Бешгъэ зеверте гуфдире оморигьо, воисде бу диеш гуфдире, чуьки э сер гьер хьуькуьмлуье бэхш довгlоигъуллугъсох вегуьрдени 5 окладгьо э пуллуье серноме.
Воисдени риз кешире, чуьки жейлее мескен гировундеи жирелуье довгlои операцие лешгерчигьо эн иму гьовхо бердени мердьетиревоз, игидлуь. Гьозоргьо ве гьозоргьо догъистунигьо гьовхо берде имбуруз э нацизмевоз ве неофашизмевоз ве куьнд овурдеи руз жэгlмлуье эн иму бесгъуни!
