14-муьн май э рэхьберисохи сервор Догъисту Сергей Меликов пуьруьшсохи вожиблуьи эри республике гъосуьтгьо.
Э гъэд эн угьо – эхири гировундеи корисохи, гуьнжолуье эки 79-муьн сали Буьзуьрге Бараси; гъозие э гIовдореирево зигьисдегоргьо с. Чиркей Буйнакски районе; веровундеи корисохи э зевер биреи имидие энергодореи махачкелигьо; коргьо э гIовдореи, гIовведебер-деи ве гермидореи.
Сер гуьрде сервор Догъисту эз Буйругъ, э гъул кеширеи Сервор Уруссиет Владимире Путине,- «Э товун миллетлуье везифгьо параменди Уруссиети Федераци э вэхд те 2030-муьн сале ве э биёвгьо те 2036-муьн сал.
Сервор Догъисту дори рэхь, комики жейле вегири эри Догъисту; дошдеи могьлугъ, муьхькеме сохдеи жунсогъи ве зевер биреи хушхьоли одомигьо, кумеки дореи кифлете; веровундеи минкини гьер одоми, параменди мэгIрифет эну, несигIэт-дори ватанхогь ве социальни жугьобдорлуье одоми; хубе ве секонеисуьзи иловле эри зиндегуни; экологически хушхьоли; гъоимгъувотлуье экономике; технологически рэхьбери, цифровое дегиши хьуькуьмлуье ве муниципальни рэхьбери, экономике ве социальни корисохи.
Э товун мигIидие 79-муьн сали Буьзуьрге Бараси
Эхир келе гъозие бодо доре Рэхьбер хьуькуьм эн серкори Серворе Хьуькуьм РД Алексей Гасанов.
Э гьисдигьо эну, э республике бири гуьрд сохде омборте 800 корисохи эки Руз Бараси. Э жире-бе-жирее шегьергьо ве районгьо республике гировунде флешмобгьо, сирот бирмундеи, межлуьслуье гуьрдлеме эки сенгъ ёровурди. Гуьрд сохде омборекбуи ветерангьоре Келе довгIой Ватани ве кифлетгьо бэхшвегиргьо СВО.
Э гъэд омборе очугъэе ве келе корисохи: акци «ГIэлем Бараси», комики э и сал эхир гьеммере э назар вегуьрде Софуне Кавказ; межлуьслуье вокурдеи 13 «Бохчегьо ёровурдеи; ватанхогье акции «Вахте Ёровурдеи», гIэрейхэлгъие торихие хундеи «Хундеи Бараси»; республикански вирихдеи, гIуьзетсохие 79-муьн салине Бараси; проект Бине жэгIметие кумеки сервор регионе «Лешгерие Когъоз»; акцие «Сирот Лешгери»; гъосуьтлуье дерсгьо «Гофсохдеи э товун вожиблуьи», «Дерсгьо Мердьети»; акцие «ШэгIм ёровурдеи», «Сирень Бараси», «Георгиевски бафта», «Дивор ёровурдии», «ГIэжелсуьзе полк».
Э товун гъозие э гIовдореирево зигьисдегоргьо кент Чиркей Буйнакски районе.
Чуьтам гуфдире жигегир рэхьбер Минвокурдеи РД Салам Гасайниев, э капгъуьчсохи насосни станции э Чиркее эз республикански бюджет дори омборте 90 млн монет.
Тозе бире станци э гьееки э вокурдение э кент гIовгировундеи гьишде гъэрор норе четини э дореи зигьисдегоргьо гIове.
Проект гьисди э госэкспертиза. Биё дегиш сохде биёв куьгьне оборудование э 12 энергоэффективни насосгьо, 4 доругьие двигательо, на гировунде е коригьэгьой модернизациере. Э гьейсэгIэти вэхд э график гиро э эде доре оморе гIов э куьгьне водоводово «Чиркей-Буйнакск».
Эз у пишо корсохде комиссие министерства оморет э кент, нувусди дефектни когоз не смета.
Зендеи э кент четини э гIовево сервор республике гуфдире меселен зобуне кори сохдеи дуь э екиревоз э гIэрей муниципальни ве республикански хьуькуьмево.
Э товун дореи гъэрде э пулдореи корсохгьо хьуькуьм РД
Э гофгьо суьфдеи вице премьере республике Руслана Алиева и кор берде эз июнь 2023-муьн сал ве бирмунде хубе дегиши. Э песой гье у вэхд гъэрхунди пули одомигьо кем бири э 26%.
Э товун веровунде жире кор эри зевербиреи имидлуье энергорасундеи хэржисохдегор Махачкале
Э товун гIэрегьи артгьо ихдилот сохди суьфдеи сервор ПАО «Урустур Софуни Кавказ» Роман Левченко.
Э гирошденигьо дэгъдэгъэ: дегиш сохди 3 трансформаторе 110 кВ, гъуьч сохди 394 коммутационнигьо аппаратгьо, 621 трансформаторни подстанци ве 100 трансформаторгьо 0,4-10 кВ; диеш э жиге нореи ве э кор венгесди 15 тозе гьеймогьоине кучмишсохи блокигьо трансформаторни подстанци;
Вокурде омори асанте екбиреи бинелуье мескен ве гофсохи дуь э екиревоз э Телеграм, хьэсуьли тозе жиге кор зутее корсох э гузетсохи гъуллугъи Махачкале;
Гировунди бинеденлуье гъуьчсохи 22 фидергьо, дануьсденигьо электрорасундеи шогьнишоне;
Эри гъирогънореи хуьрд-хэсде биреи восдоре омори жирелуье технике э гъэдер 35 тек.
Эз гофгьо Левченко, гъувотлуьи бинелуье хурекхури зиёд бири э 137 МВА, чуь хубте сохди имидлуье напряжение.
Меликов ве кумекие тэгIрифире дори суьфдеи серворе ПАО «Урустур Софуни Кавказ» фикир доре те рэхьбергьо компание гъэйгъукеши республикании хьуькуьм гирошдеи гьеминони вэхд.
Министр энергетике Марат Шихалиев э ёр овурди – кейки гъобул сохди четине гъэрорноме э товун э пушо норе коргьо поизи-зимисду вэхд, еки эз вожибе себеб эри у бири хьэрекети гьэгъигъэтлуье жире дегиш сохде овхьолет э пушой гьеминон.
Э товун кор Еклугьи операторе Республике Догъисту э кор гIоврасундеи ве гIов э де лойге берде
Те гьер гоф э товун, коми жире кор эз лой гIоврасундеи, гIов э де лойге берде ве гермирасундеи гировунди ве миё бу гировунде э шегьергьой Догъисту, гуфдири суьфдеи сервор акционери жэгIмет Магомедгаджи Шапиев.
Гьечуь э шегьергьо Каспийск ве Избербаш гировунди бинеденлуье гъуьчсохи ве дегиши жейлее объектгьо дуразовуне гировундеи омборте 25 км, э жиге нореи диеш насосгьо э темиз сохде оморе дуьруьжде вокурдеи Каспийске.
Бегьемини гьишде-кор венгесде синемиши кор гIоврасундеи Избербаше, тозеден э хуьшде дировунди бенд хьисобсохи газе э 13 котельнигьо, чуь руьхсет доре эз жерге вегуьрде хуьрд-хэсде биреи.
Э гъосут зевербиреи хубе кор расунденигьо хинике гIов э Каспийск восдоре омори блочно-модульни лабораторие мейдун 144 кв м., гуьрд сохде омори гьемме герекие.
Гировунде омори кор бинеденлуье ве гирошденигьо гъуьчсохи гермии тургьо э дегишбиреи 2 трассовигьо км, бегьемини бинеденлуье гъуьчсохи котельни э куче Азизове, гировунде омори дегеши куьгьне дуьруьжде тиён.
Гене гировунди кор тозеден вокурдеи системегьо гермирасундеи Кизилюрте э бегьм сохдеи э сентябрь 2024-муьн сал ве вокурдеи гъэдшегьери канализацие коллекторгьо Махачкале дуразовуне гировундеи 47,3 км.
Эри дануьсде расунде не поюнде электрорасундеи гIовгировундеи ве канализацие насосни станцигьо э жиге норе 18 дизельнигьо генераторгьо. Восдоре омори 37 хьозуьри сохдеи насосни агрегатгьо э электродвигательгьоревоз. Бесди игърол эри восдореи 27 тек жирелуье мошини технике.
«Инсон миё бу винире, эже рафде пул эн угьо. Синогъи Махачкале гереки фирегь мэгIлуьм сохде э екигегьо шегьери рэхьбергьо. Не миё бу бисэхьибе овгъоте ЖКХ. Унжо, эже у гировунде омори э зир еклугьи оператор, гьисди бараси»,- гуфдири э эхир сернуьш Догъисту, талаб сохди эз рэхьбергьо шегьергьо эз гъонун не вадарафдеи графике гуьрдноме.
