Ди э хуне Дусди кучмиш бири мэгIрифете одомигьо духдиргьо, тербиедорегоргьо, иженергьо, гьемиге нушудорегоргьо жире-бе-жирее сенигIэткори, дебердигьо омонети э социально-экономикие параменди республике. Сернуьш Хьуькуьм РД Абдулмуслим Абдулмуслимов эз нум Сервор республике Сергее Меликове дори э гIуьзете овхьолет эри энугьо хьуькуьмлуье бэхш, вогьне мигIид Васали ве Жофои, мэгIлуьм сохде ТГ-канал Хьуькуьм РД.

«Гье у хубтее мигIид бугьои эри омборе эрхэ догъистонигьо. Жофо ве Догъисту гIуьзетлуьи э гьемме вэгIэдо, ве одомигьо жофои гьер вэхд бири гIуьзетлуьи, э угьоревоз текебури ве угьоре норе э меселен. Ве имбуруз иму ихдиёрим текебури бире эн имуни мэгIрифети гьемватанигьоревоз, комигьоки эн хуьшдени менфигIэтлуье корисохиревоз э гуьнжуьндеи э муьгьбетевоз эки вихде оморе кор божеренемэгIрифете параменди республике эн иму, гIошир сохде догъистонии культуре ве мэгIрифет, гъэреул сохде динжи ве секонесуьзе»,- гуфдири Абдулмуслимов.

Сернуьш Хьуькуьм гIуьзет сохди гъоимлуье жофохои догъистонигьо ве угьо божерени бегьем сохде те эхир э гьерки гири четини.

«Э и асантесуьзе рузгьо инсон иму гье гене гъувот доре, чуьки мидану э гъэршуйпоисде гьер жире коре эз бору, гьерки гъэдо-боле, бирмундеи гьемме гIуьлом жирелуье дусдлуь ве хьозуьрлугъи гьеркире деберде эн хуьшде омонети э жэгIмие кор.

Омборте гьемватанигьо эн иму гье гене гъэлхэнди сохде риз серхьэди Ватани, дорени гьер чи кумекии, тозеден вокурде екбиреи мескенгьо, вокурде оморе тозе школегьо ве гIэили богъчегьо, вокурдеи корхоне, веровундеи гъувотлуье дигьбони хори гъуллугъ сохие бедел,- гуфдири Абдулмуслимов ве диеш гуфдири, чуьки бимихьтожи эз унегуьре, э комини жире кор одоми жофо кешире, у мидану рафде расире мэгIлуьмлуь барасигьо э гьемме жиге, эгенер гьинорменди корсохде, хосде ве хьэгъэ доре вихде оморе сенигIэткори, норе гъосут ве те эхир бегьем сохде бараси угьоре.

Лап вожиблуьи, гьеммише э ёр гуьрде э товун, чуьки зиндегуни ве гъисмет жейлее одоми нисди жейле эз гъисмет Ватани иму, чуьки жофокеш, сенигIэткорлуь гьер одоми вожиблуьи эри вилеет.

«Иму э ишмуревоз жофо кешире э асанстсуьзе вэгIэдо. Ве верзуьшлуь бэхш бире лап гурунди. Ишму э кор хуьшдеревоз веди сохде, чуьки хижолети бире ве э товун хуьшден чуькле ватани, ве эз келе Ватани. Воисдени гье гене омборекбу сохде ишмуре э мигIидевоз Васали ве Жофои, ве э оморенигьо лап хьуьрметлуье эри иму мигIидевоз Бараси», гуфдири э пушой бэхш дореи Абдулмуслим Абдулмуслимов.

Премьер-министр риз кешири: не денишире э у, чуьки Уруссиет имбуруз хижолети кешире асантсуьзе вэгIэдо, э сервори э ижире Президентевоз вилеет имуре дениширени барасигьо э гьеркиш гъэршуй поисдеигьо. Абдулмуслимов гьемиге гIуьзет сохди жирелуье хосиет Сервор Догъисту Сергее Меликове, коминики не эзжеиге шиновусдеи дануьсде, чуь кори гъэлхэнди сохде Ватане. «Гьемме барасигьо мибу эн иму. Эри, имбуруз омборте гIэилгьо иму, бироргьой иму, эн иму кукгьо гьисди э пушолуье э СВО. Ве у нисди асанте гофгьо. Сергей Алимович – лешгерии генерал, у дануьсдени, чуь кор гьисди гъэлхэнди сохде Ватане ве бэхшвегири сохде э гировундеи жирелуье операцие ве екиге жире кор. У чендгъэдерие бири э тозе мескенгьо. Чуьтам гуфдири Президент Владимир Владимирович Путин, э азадлуье вилеет миё бу гIилмие, техникие, технологие хуьшденкордани. Эн иму гьисди эз гьемме гъувотлуье Президент э гIуьлом, ве иму чуьтам гьич вэхд еклуьг биреи э иловле Сервор республике иму ве сервор хьуькуьм. Бараси мибу э песой иму. Омборекбу мигIид ишму, ве верзуьшлуье бэхшгьо»,- гуфдири Абдулмуслим Абдулмуслимов, сер гуьрдеи доре э гIуьзете овхьолет хьуькуьмлуье бэхш.

Э у руз омборте 40 догъистони вегуьрди хьуькуьмлуье бэхш.