Э Москов э хундеи гьем кор сохдеи догъистонигьо кем нисди. Рэхьбер республике Сергей Меликов вохурде омори э нушудорегоргьо догъистони студенчески жэмигIэт, буьлуьнде хундение идоре Москови. Эзуновлейге у гъобул сохди бэхшвегири э гъэд гуьрдлеме э сенаторгьо РФ гьем нушудорегоргьо Аппарате Совети Федерацие.

Вохурдеи э студентгьоревоз гирошди э гъэд дегиш нисе бирение нушудие идоре Республике Догъисту э Президенте РФ э бэхшвегири постпред Владиславе Толстюке ве министр эз коргьо жовонгьо РД Камиле Саидови.

«Ме шоруьм, чуьки имуре келе нушудорение жовонгьо догъистонии э Москови. Ишму имбуруз гьисдит нушудорегор хубтее ВУЗгьо уруссиет. Хьэрекети эки данание э гьемме вэгIдогьо бу бинеден парамендии соводлуье жэгIмет ве бовориние рэхь эки бараси гьем хушхьол»,- шолуми дори жовонгьое одомигьоре Сервор республике.

Студентгьо, ординатергьо, аспирантгьо, комигьоре гьисди буьлуьнде бараси э хундеи гьем жэгIмиетие корисохи э ВУЗ хуьшде, ихдилот сохди э рэхьбер республике э товун кор дуь эеки э постпредстворевоз э гъондуьрмиши сохде культурни мироси гъэрдешлуье улкере э гъэд жовонгьо.

Э рамке гировундеи мигIид 100-муьн сали эз руз хьэсуьл омореи Расул Гамзатови э 48 ВУЗгьо Москов ве Московски ульке бири гировунде шогьирие шевгьо, бирмундеи, гьемиге фестиваль дусди хэлгъгьо эже бу шинох бире миллети хэлгIэт ве жирей хурег хэлгъгьо Догъистони.

Гьемиге э ноябрь сернуьшгьо студентгьо э гуьнжо овурди сер кеширеи студентгьоревоз бирмундеи «Догъисту эн ме. Эн иму Расул» э гъэд Хьуькуьмлуье бинелуье мескен музее гьейвэхдине торихи.

Студентгьо гъобулсохди бэхшвегири э гировундеи Руз Догъистони э гъэд ВДНХ э рамке гIэрейхэлгъие бирмундеи-форуме «Уруссиет».

Сергей Меликов дори гIуьзете овхьолет Худо разии десхэти ве ёргирие бэхшгьо лап желдлуье нушудорегор студенческигьо жэмигIэт Догъисту.

«Худо рази ишмуре эз желдилуьи бэхшвегири э акции, межлуьслуье межлуьс. Гье у коре гъемме иму дануьсдейм сохде э сереботи догъистони студентгьо э Москов. Воисдени войге сохде ишмуре барасигьо э гьемме сергуьрде кор. Барасигьо ишму – у гьелбетте гьисди, барасигьо республик ве эн гьемме виллет! – гуфдири Сервор Догъисту.

Э меслэхьэт, коминики гирошди э герме, дусдие гьово э пейле чоевоз, студентгьо тапшуьрмиш сохди пуьрсуьшгьо ве гуфдирет э товун четини догъистони жовонгьо. Сервор республик ве екигегьо бэхшвегири хьэвеслуь жугьоб дори э пуьрсуьшгьо.

Жейлее тигъэти межлуьсе сохди сервор хьуькуьм, гIуьзет сохди, чуьки форум бири мэгIэнолуье гъозие э зиндегуни вилеет э фирегье нушудорение ве гьеммишеине э вэхд ю герек гьисдигьо повестке.

Гьертарафлуье гуьрдлеме гирошди э Дербенд. Э гъэд эну гъобулсохи бэхшвегири бири Сернуьш Совете Федераци Валентине Матвиенко, жигегир Рэхьбере Администрации Президента Уруссиет Магомедсалам Магомедов, сенаторгьо РФ нушудорегор органгьо федеральни ве региональни хьуькуьм, корсох культури ве гIилм, гъуногъгьо эз бэшгъэе вилеет.

Э гъэд форум бири зиёдте 300 бэхшвегиригьо экуьнди эз 50 улкегьо вилеет эн иму ве омборте 10 эз серхьэд зулое вилеет.

Э гуьрдлеме спикер Совета Федерации В.Матвиенко бирмунди тигъэте жерге э вэхд ю герек гьисдигьо гъосуьт ве деберди фикир. Гьемиге угьо деберди шогьирие мироси Расуле Гамзатове э программе ишколегьо, хьозуьрлугьи синогълуье корсох э вогьне культуре ве корсохи гье у э товун программе «Земский корсох культуре». В.Матвиенко мэгIэно дори э пуьрсуьшгьо, межбурлуьи э дошдеи ве парамендии торихлуье зигьисдеине жиге, кумекии доре региональни торихи-культурни проектгьо.

Э гъэд гуьрдлеме Сервор Догъисту гье гене ризкешири вожиблуьи культурни-торихлуье мироси э дошдеи руьхьлуье верзуьши, пур гьисдигьо дин-гIэдоторевоз, омборедеврии торихии хэлгъгьо Уруссиет. У гIуьзет сохди келе омонети э гъэд гье у кор сенаторгьо ве хуьшдени ю спикер СФ В.Матвиенко, согъбоши гуфдири э тигъэти эки Догъисту ве зиёдгъувотлуьи, эри мугъоет дошдеи культурни овгъотгьо энуре.

«Кейки гъэрорноме бири пуьрсуьш вихде жиге гировундеи форуме, мескен эри эну хьозуьр бу э ихдиёри доре е ченд регион. Валентине Ивановна ихьдибори сохди эриму, ве вихде омори гье генешки Догъисту. Эри иму гье у лап вожобини. Дуь дуьруьжде мэгIэнолуье оморе расире — суьфдеи Президент Уруссиет, эзуновлейге Сернуьш Совети Федерацие – омборе номус эри иму. Э песини салгьо Догъисту бирени гьемме зиёдте э хуьшде вогосундение чуьтам эри туристгьо, гьечуь ве эри инвесторгьо. Гьееки э уревоз пуьрсуьшгьо, коминики пуьрсуьшсохи бири э форум, э гуфдирей ме гуьре, лап вожибини эри догъистонигьо. Гье у гьем жэгIмимилетие тойлуье ухшеши ве культурни мироси, торихлуье кура сохде дин-гIэдотгьо вилеет эн иму, хьозуьрлугъи гье у дингIэдотгьо гIуьзет сохде ве гъэлхэнди сохде. Бэшгъэ тигъэти верзуьш бири ве ижире мейдон форуме, эжеки гIэилгьо возири хэлгълуье мэгIрифетгьо. Валентине Ивановна вохурде омори э гIэилгьоревоз ве огол зери угьоре э Москов. Э хотур чуьки ишму ве постпредсве эн иму ижире рафдеи э гьержой бисдо ве гьишди фурмуш нисе бирение нушу дореи»,- гIуьзет сохди Сергей Меликов.

Сервор республике Худо рази сохди э сенаторгьо эз Догъисту Сулеймане Керимове ве Ильясе Умаханове, комигьоки кумекии дори фикиргьо ве э гуьнжо овурди гьемме эри гировунде межлуьс э хори Догъисту.

Сергей Меликов дори э гIуьзети овхьолет парламентаригьоре желди бэхшвегирисохдие э гуьнжо овурде ве гировундеи форуме, хьуькуьмлуье бэхш Республик Догъисту.

ГIуьзет сохденим, омореи э республик Валентине Матвиенко э Сервор Догъисту Сергей Меликов вокурдет вежегьисдение хуне «Лезгинка», бири э сер нушудореи «100-муьн сал Расул эн имуре» э махачкалеи Театр шогьири.