Соводлуье жугьурой дин-догIотие бинелуье мескен Мытищ (КЕОЦ) э гуьнже овурди э 2022-муьн сал э бинелуе мескен дин-догIотие «жугьуьри (гIэвельгьо дин-догIотие нум гирдени бу жугьуьрой Мытищ»). Э КЕОЦе эшгълуье гировундени мигIидгьо ве нишон бирмуние коргьоре.
12-муьн ноябрь э дин-догIот бири 3-муьн интенсив проект «Мидорим торих эн имуре!». Келе везифей эн кор вечире серлэгIэеи кифлетлуье торих эз виниригьо гъозие ХХ-муьн девр.
Данусде торих кифлетгьоре-вожиблуье бире гъозие боглемиш сохде эрхэро, данусде зиндегунире инжо гьейсэгIэт, эри вокурде план эй биевгьо вэхд. Э гуьнжоовурдегор бирмунди «Миллет-культурной автономной жугьури э шегьер Мытищи Москови ульке», ве академическим хьэрмэхь – АНО гIилмлуье-гуманитарный бинелуье мескен «Сэфер». Не денишире э воруше руз, э хуне гировунди гуьрдлеме, бири герм ве хуби э гьемме согъбоши гуфдири гуьнжо овурдегоргьоре ве бэхшвегирдегоргьоре интенсива. Э жигей бирегоргьо омори эри данусде жогьоб доре э нуботлуье пуьрсуьшгьо: Чуьтам вегириге ве чуьтам диге интервьюре? Чуьтам минивисуге генеалогически древо кифлет хушдере? Раби эн жэгIмет Йоханан Косенко омборекбу сохде бэхшвегиргьоре корсохгьоре. Генеалог Анатолий Воробьев бирмунди э докладе э гьосуьт «Жирелуье генеалогии кеме хэлг жугьури». Ве жире, бирмундеи гировунде бу четин, э комикигьо данусдебу офдоре эй хунде данусде торих эн кифлет хушдере.
Анна Юдкина, корсох Научно-гуманитарного бинелуе мескен «Сэфер», бирмунди э мэгIлуьмети э гьосуьт «Чуь мипуьрсиге эз деде не бебе? Чуьтам вегинуге гоф чуь сохуге песде э уревоз». Песде гировунди Анна бирмунди угьоре э меселе, вегирде гоф эз тербиедорогор келете зигьисдегор Перловки Льва Рафаиловича. Лев Рафаилович – хубе гофсохдегори, э гьемме ихдилодгьо не гьемме пуьрсуьшгьо. У андуьрмиш сохди генеалогически девргьо кифлете. Тербиедорогор, комики э гуьнжуьнде одомигьой хушдере. Лев Рафаилович гуфти е хубе гоф: девргьо эн хушде ечиш не бирмунде, уре бие зинде соху. Бие дану э одомигьой хушдере: ки буге угьо, ве э же зигьисденбу угьо». Евгений Власов шинох сохди гьеммере э овгьот, сайтами архивов, э комики гIэмел миев офде хэбер э кифлет хушдере. У хунди эки эз луьге кифлет жугьургьой догъи Ханукаевых. Евгений нушу дори эхири кор хушдере. «Шивдей зиндегуни» параменди зиндегуни.
Михаил Васильев, тербиедорогоре кафедра иудаки ИСАА МГУ, рэхьбер проекта SFIRA Центра «Сэфер», бирмунди э докладово «Жугьурисенгьо еровурди чуьтам э ер овурди э кифлет торихи». Э сер хуьшде бирмунди Михаил ихдилод сохди э коре комики гировунди эпиграфисторе э 2018-2020-муьн салгьо южный Догъисту, хунде дануьсде сэнгъ еровурде э 12 дигь экуьнди Дербенд. Бахшвегиргьой экспедиции бирмунди сэнгъоре 1498 э дигьой Маджалис, Янгикент, Нюгди, Араг, Карчаг ве угьониге. Эки гъимиш сохде коре бегьем не бири эз товун финансовых гурундигьо. Эгенер гурундигьо бэгьэм бисдоге, гьемме экспедиций мибу жиге доре э сайт «Сэфер». Э и кор гьэмме корсохоре МИДу данани эри кифлетлуе торих, гьемчуьн андуьрмиш мисоху, чуьтам миниисуьгье дошде сохдигьо хебергьоре.
