Гьер сал ГIэрейхэлгъие мисволуье фонд СТМЭГИ дорени премие э гIуьзет этнограф эн Сергей Иванович. Фонд премиере дорени эри дошдеи ве параменд сохдеи базургенди эн жугьоргьой догъире.
Бахшвегиргьой премие э нум Сергея Ванштейн, – «одоми сал» дин-догIотие жэгIмиет эн жугьургьой догъи, оммо премие доре оморени эри миллетгьо. Нишон премие – статуетке доре оморени угьоре ки дошдени ве зиед мэгIлуьм сохдени базургенди эн жугьоргьой догъире. Имисал Премие э нум С.Ванштейн доре омори Эльдар Гуршумове, Хайям Нисанове ве Владимир Шкляре.
«…Гирде гьэлеме эри ме асанттеи эз гьенжире пейлей гьове», – гьечи е гиле э интервью э товун кор хуьшде гуфдиребу лауреат эн премие э нум С.Вайнштейн эни сал Эльдар Гуршумов, ю хуьшдени нуьвуьсдегор сер гуьрди нуьвуьсде дестонгьоре э зугьун жугьургьой догъи ве музыке э зугуьнгьой муслимигьо. Хьэсуьломорегор эн Гъирмизине Слободке дестонгьой хуьшдере сер гуьрди нуьвуьсде гьеле хунденки э школе э хьэшдимуьн класс. Э.Гуршумове борухо сохди мэгIлуьмлуье шогьир эн шегьер Дербенд С.Изгияев. Жовоне шогьир э у бирмунди дестон хуьшдере «ГIэрсгьой деде». Гьемчуьн Э.Гуршумов нуьвуьсди омбаре мэгIнигьо, комигьореки хунденуьт жугьургьой догъи зигьисденуьтгьо э жир-бе-жире вилеетгьой гIуьлом. Бэгьдовой рафдеи э Исроил у кор сохдембу э Тель-Авив э Бар-Илански универститет. Э унжо у бири солист эн Келе оркестр ве хунди мэгIнигьо. Музыке ве гофгьоре эри эни мэгIнигьо нуьвуьсди хуьшдени ю. Гьемчуьн Э.Гуршумов э гастролгьоревоз рафдембу э гьеммей Исроил. Эз 2003-муьн салевоз Э.Гуршумов сервори сохдени Гуьрдномей нуьвуьсдегоргьой Исроиле. Имбуруз э гуьрдномей нуьвуьсдегоргьо сад одомини. Е гиле Э.Гуршумов кумеки сохди э е ченд гьемкорсохгьо, комигьореки не бири книг э зугьун жугьури, – у вечири гьеме корогьой энугьоре ве дофус зери хуьшдени ю ве эри гьемватанигьой хуьшде бири редактор. Имогьой дин-догIотие жэгIмиет эн жугьургьой догъи эзу согьбоши гуфдиренуьт эри дошдеи базургенде мироси эн жугьургьой догъире.
Дуьимуьн лауреат Хайям Нисанов – э зугьун жугьургьой догьи Суфдеи альбом хуьшдере у ведешенде кейки шаздегь сале бу. У мэгIнигьоре хунди э гьовой музык эн Баку, песде – э джазово –эстрадний факультет эн Московски хьуькуьметлуье жирелуье школе э нум Гнесиных. Э репертуар эну омбаре мэгIнигьо э товун муьгьбет, оммо гьисди гIуьзетсохи эри хэлгь эн иму. Х.Нисанов хьэсуьл омори э Баку, оммо биней эну эз дигьбон Гъирмизине Слободкеи. Ватан эн бебе ве дедей хуьшдере Х. Нисанов гьич вэхд фурмуш не сохди. Э 2009-муьн сал войгей эну веровунде оморебу – у бирмунди концерт э олимпийском комплекс э Гъуьбе э пушой омбаре хэлгь. Э 2023-муьн сал хэлгъ хуьшдере у бэхш дори – мэгIэни В.Шкляре ве эн А.Голде «Гъирмизине Слободке». Суьфдеи гиле и мэгIнире у хундебу э ноябрь 2021-муьн сал э межлуьс бэхширеи премиере э нум С.Ванштейн эн ГIэрейхэлгъие мисволуье Фонд СТМЭГИ. Сеимуьн лауреат Владимир Шкляр – э гьевелине сенигIэткорлуье идмончи, чемпион Исроил, имбуруз министр эн векилхонй Исроил э Уруссиет ве шоьгир. Дестонгьоре у э гуьнжо овурди э хьэвес джурой догьи эн дигьбон Азербайджан эн Гъирмизине Слободке гуьре. Песени дуь сал у нуьвуьсди се мэгьнигьои ве гIуьзет сохди э гьеммей гIуьлом «шигьнишон джуурой догьи». МэгIнигьо «Гъирмизине Слободке» ве «Худо кумек», хунди (возирегор) верзуьшлуье возирегор эн Азербайджан Хайям Нисанов.
Сеимуьн – «Гудьял чай», нуьвуьсдегор Александр Журбин хунди «Еврейская мужская капелла». В.Шкляр дестонгьоре сер гуьрди нуьвуьсде эз гIэилиревоз. Дестонгьоре у гьеммише э гуьнжо овурдени хуьшдени ю. У э Москов кор сохдебу дипломат ве бисдо сенигIэтлуье нуьвуьсдегор. Дестонгьой эну хунде оморени э концертгьо ве мэгIнигьой энуре хунденуьт мэгIлуьмлуье возирегоргьо. Владимир Шкляр нуьвуьсди омбаре достонгьо «40 оттенков муьгьбет» ве дофус зере и дестонгьоре кумеки сохдебу ГIэрейхэлгъие Фонд СТМЭГИ э ноябрь 2022-муьн сал. «Ме сеимуьн гиле рафденуьм э Гъирмизине Слободке ве согьбоши гуфдиренум эз сервор фонд СТМЭГИ эз Герман Захарьяев, эри эну чуьнки у дуь сал пушоте огол зери мере э унжо. Гьербо бэгьдовой рафдеи э Гъирмизине Слободке ме нуьвуьсденуьм дестонгьо»,- гуфди В.Шкляр.
Руз ве сал гировунде оморенигьо э гIуьзет гьерсалине премии э нум Сергее Вайнштейна – 15 ноября э руз зендеи этнограф.
Имисал оргкомитет премии гьобул сохди гьэрорноме гировунде межлуьслуье церемоние э товун зобуне политической гъозие э Исроил.
