Гуьрдлеме э пуьрсуьш дореи секонеисуьзие э кор венгесдеи э дорунхунеие газови оборудовани хэржисохдегоргьо газе гирошди 3-муьн октябрь, э зир рэхьберисохи Сернуьш Хьуькуьм Республике Догъисту Абдулмуслиме Абдулмуслимове.
Э пуьруьшсохи гъобул сохде бэхшвегири рэхьбергьо Минэнерго Догъисту. Хьуькуьмхунеиедениширеи РД, Минпромторге республике, газедороние идоре, нушудорегоргьо прокуратуре, региональни МЧС ве серворгьо муниципальни соводигьо э игърол ВКС.
Э кор гуьрдлеме бири норе пуьрсуьшгьо э товун веровундеи гъэдер коргьо э не гьишде руьхсетсуьзе ек сохдеи эки газгировундеи ве э кор венгесде руьхсетсуьзе газови оборудовани э хунегьо, гьемчуьн бесде игърол э жейлее идорегьоревоз э фегьм сохдеи э дорунхунеие газови оборудовани.
Премьер-министр Догъисту Абдулмуслим Абдулмуслимов бирмунде вожиблуьи диеш зуте сохде э варасиреи могьлугь республике ихдиёрие культуре э кор венгесдеи газе э хуне, гьемчуьн варасире жугьобдорлуьи э песой дошдеи гъонуне секонеисуьзи.
Жейлее тигъэти Сернуьш Хьуькуьм несиет доре гlуьзет сохде одомигьоре эз «десдей секонеи» ве одомигьоре э нечогъиревоз.
У гьемчуьн э ёр овурде э товун еки эз песини нэгъифеи э Карабудахкентски районе, кейки ловсохи газе бири э сереботи хуьшдени ю гировунде ве пэхьни сохде э дивор хуне газови дешендеи. Э гъэд гуьрдлеме у мерэгълуь бире эз бэхшвегиргьо э корисохи э жигей ловсохи, комики гирошди э АЗС э федеральни рэхь 27-муьн сентябрь. Андуьрмиши э товун гъозие дори жигегир рэхьбере рэхьберисохие – сервор бедел гъэдер технически рэхьберисохи фегьмсохдение корисохи ве зуте мэгlлуьм сохдеие коргьо ГУ МЧС Уруссиет э РД Анвар Анваров.
Гьечи, э гьонине вэхд коре э жиге зиёд сохде корсохгьо МЧС, комики э куьндигьо эз ловсохи бире АЗС офди товгьо мэгlлуьмсуьзе коргьо.
Премьер гьемчуьн мэгlлуьм сохде, чуьки э гъэд гъэдэгъэи Серворе РД Сергее Меликове тогlин сохде везифегьо ве э гуьнжо овурде фегьмсохи корисохи э хуьшдени дешендеи эки газови тургьо, гьемчуьн технически гьовогьо газови оборудовани э хунегьо.
Жугьоб э товун сохде коргьо э фегьмсохи хэржисохдегоргьо газе республике э веди сохдеи хуьшдение дешендеи газови оборудовани ве э кор венгесде руьхсетсуьзе газови оборудовани премьер-министру э гъэд гуьрдлеме нушу доре министр энергетики ве гъиметгьо РД Марат Шихалиев.
Э гьисдигьо министре, э песой гьеммей вэхд фегьмсохи корисохигьоре (эз 23-муьн январь те 1-муьн октябрь 2024-муьн сал) фегьм сохде омори омборте 60 гьозор одомигьо, веди сохде 10392 гъонунепузмиши, эз угьо: э жиге овурденигьо руьхсетсуьзе вихдеи газе – 3377 одомигьо (ведешенди); э кор венгесде руьхсетсуьзе газови оборудовани – 7015.
Сервор ООО «Газпром гlэрейрегионгазе Махачкале» Ризван Мурадов мэгlлуьм сохде, чуьки игърол э техгъуллугъсохи газови оборудовани э Догъисту имогьой гlэмел миёв э гуьнжо овурде э идорегьо МФЦ.
Э имбурузине руз игърол э техгъуллугъсохи бесде эки 300 гьозор одомигьо экуьнди 70% сэхьибдоргьо, гъисди э жиге жугьобдорлуьи десдегьо идоре «Газпром гlэрейрегионгаз» э Догъисту.
Э бирмундеи эн хуьшде сервор «Газпром гlэрейрегионгаз Махачкале» гьемчуьн гуфдире четини гъэгътии хубе корсохгьо. Э хэёл Ризване Мурадове, э гъонине вэхд не денишире э пушо норе хубе муьзд жофои, идоре синемиши сохде гъэгътии хубе инженергьо ве технически корсохгьо, гье у сенигlэткори бири герексуьз э гъэд жовонгьо. Иму гуфдире э товун одомигьо, комики биё соху коре э бесдеи игъроле э техгъуллугъсохи ве гъучьсохи.
Абдулмуслим Абдулмуслимов несиет доре ООО «Газпром гlэрейрегионгазе Махачкале», «Газпром газбэхшсохдеи Догъисту», «Газпром газбэхшсохдеи Махачкале», «Даггаз» ве «Каспийскгазсервис» эз жерге вегуьрде гъозигьо дешенде тозе хэржисохдегоргьоре ве бесде игъроле э технически гъуллугъсохи нушу доресуьз хэржисохдегоргьоре актгьо фегьм сохдеи хунеи ве вентиляционни каналгьо, гьемчуьн зиёд сохде коре э асантие коргьоре ве кутэхь сохде вэгlэдо дешендеи хэржисохдегоргьоре.
