ДУРНАГЬО

(«ЖУРАВЛИ»)

Эриме гьони гьечи оморени:

Ээ пелесегьой хуни у хаялгьо,

Не вогошде, эз хок учмиш бирени

Чаруьсденуьт э сипре дурнагьо…

Эз у вэхдгьо те тейте зигьисденим,

Гъэнет куфде, журай зере гъушгьо,

Чум э асму доноре – мунденим

Поисде сессуьз могъбуне инсонгьо.

Десдей гъушгьо гъэнет зере рафдени

Эз зир асму э туьнде думон шеви,

Э у жерге е тенге гlэреи

Мидан бире жигейме – унжои.

Миёв е руз эз у десдей гъуши ме

Симов зере, миварам э воркову,

Эз гьуьндуьри эри хьовиргьой ме

Сес мишенуьм, пара сохде асму.

Эриме гьони гьечи оморени:

Ээ пелесегьой хуни у хаялгьо

Не вогошде, эз хок учмиш бирени

Чаруьсденуьт э сипре дурнагьо*…

Перевод Розы Мардахаевой-Даниловой