Э суьфдеи гъэдер ноябрь гирошде э Москов гьеммеуруссиетлуье гуьрдлеме «хэлгъгьо Уруссиет», гIуьзетсохие э Руз хэмгьо еклуьги.
«Хэлгъгьо Уруссиет» – гьерсалине Гьеммеуруссиетлуье гуьрдлеме, гировундеи эз 2020-муьн сал ве бисдо еки эз гьозие э миллетлуье политик э Уруссиет.
Гьрдлеме кумеки бирени муьхькем сохде мескен гьеммеуруссиети еклуьги ве еклуьги Уруссиемиллет, гIэрейхэлгье шолуми.
Э кор гуьрдлеме «хэлгьгьо Уруссиет», бэхшвегири сохде одомигьо ФЕНКА. Миллетлуь-базургенди эн жуьгьуроре бимихьтожи э гуьрдлеме шинох сохде сервор И.А. Дабакаров, бэхшвегиргьо идоре ФЕНКА Г.Б. Кацнельсон ве Е.Л. Юсфин, сернуш идоре ОО «Волгоградски улке жуьгьури миллетлуь-базургендеи хушденкордани» И.М. Моторная. Еки эз бинулуье гьосуьт гуьрдлеме бири дошдеи миллетлуье зугьунгьо.
Э кор гуьрдлеме гьобул сохде бэхшвегири Евгения Абрамовна Михалева сервор Ресурсни бинелуье мескен миллетлуье гъэножогъигьо.
Евгения Абрамовна эз 2004-муьн сал те 2017-муьн сал бисдо сервор Федеральни жуьгьурлуье миллетлуье хуьшденкордани (ФЕНКА). Э кор эн хуьшде у дори гьэйгьу э гIэреэтнически кори сохде дуь э екировоз, эгуьнжо овурде гIэреймиллетлуье гофсохдеи. Э бэхшвегири Евгении Абрамовны э песини вэхдгьо бири э жиге овурдеи проекты – «Уруссиет эн ме еклуги хэлгъгьо», «Ресурсни среда», «Эт Ник», «Гьеммеуруссиетлуье бэхьс хубте миллетлуье гьэножогьи», «Виртуальни тур э омборемиллетлуье Уруссиет».
Евгения Абрамова ихдилот сохде э товун тозе коргьо э жовонгьо э товун дошдеи гьовумлуье зугьунгьо хэлгь Уруссиет.
Гурдлеме «Хэлгъ Уруссиет» гьер сал гировун де Федеральни агентство э коргьо миллетгьо. Э и сал э гуьрдлеме гуфдире омборе пуьрсуьшгьо. Еки эз бинелуье гьосуьт – гIэреймиллетлуье кори сохдеи дуь э екировоз, чуьтам уре вокурде, чуьтам кор сохде э жуьр-бе-жуьрелуье десде могьлугь, чуьтам эгуьнжо овурде проектгьо. Чуьтам сохде эри чуь вокурде гоф сохдеи.
«Одоми, комики вир сохди миллетлуье бинере, нисе божерене мэгIрифет хьуьрмет сохде дин еккейге хэлгьгьо».
Вожублуье э эвреи оморе дошдеи гьер базургенди ве зугьунгьо. Кейки вир сохде зугьуне, рафдени ве миллетлуье базургенди дин. Зугьуне вир сохде белки нисдбире кимигьо миллетгьо, унегуьре иму омбор кор сохденим э и гьосутгьо. Омборе гьэигьу э гуьрдлеме гуфдире зугьунлуьи гьосуьтгьо. Гьосуьт дошдеи миллетлуье зугьунгьо лап вожиблуье. Эгенер имуре вождени дошдеи зугьуне, гереки эри чуь жовонгьо хунде данисде гереки э кор венгесде интернет, ве еккейгьо коргьо комики жовонгьоре бегенмиш бире. Иму э ресурсни бинелуье мескен тозе фикир зенде гIэреймиллети блок-тур, эри э хуьшде вогосунде жовонгьо эри хундеи дануьсдеи гьовум зуьгьунгьо. Гьисди жовонгьо блогеры, комики нуьвуьсде э гьовум зугьунгьо. Нуьвуьсде э товун миллетлуье базургенди э гьовум зугьунгьо. Барасибергьо, 8-9 одоми, рафдеи э республике, эже гьисди дошдеи гьовум зугьунгьо. Угьоре кумеки дорени Федеральни агенство э коргьо миллетлугьо. У кор лап хуби, киниге данание тозе гьэножогьи эки хунде зугуьнгьо, киниге сер кешире томоше ве фегьмсохи бирмунуши э гьовум зугьунгьо.
Песде угьо ихдилот сохди э гьовум зугьун, э хуьшде вогосунде той эн хуьшдере э эки дошдеи гьовум зугьунгьо. иму э хуьшде вогосунде гIэилгьоре эки э гье у гьосуьт, э хушде вогосунде жовонгьо гIэилгьоре э миллетлуье идоре эри гIэилгьоре мерэгьлуь бире гIэреймиллетлуье жуьмуьсдеи.
Жуьгьур догъи гьисди гIошире синогьи дошдеи ве хундеи гьовум зугьун – э екшобботие школе корисохдени дерс эри гIэилгьо э хундеи жуьгьургьо гировунде гьермегьине книгхуни жуьгьури дофусзереи книгьо э зугьун жуьгьури. Гьеле хьозуьр сохдеи сенигэткор тербиедорегор зугьун жуьгьури.
Э гуьрдлеме бири минкин дегиш сохдеи синогьи эрзо нуьвуьсде э товун хуьшдере.
