А.Саидов, духдир-публицист, шегьер Москов. Хьуьрметлуье гьемватанигьо, виниренки чуь гирошдениге э гIуьлом ве вилеет мере воисдени руй бире экишму чуьн духдир ве одоми.

Гирошди е мегь чуьн медицински идорегьой шогьнишон кор сохденуьт лап омбар. Иму э гуьжиревоз э рэхь рафденим э зевер биригьо гъэдер нечогьгьоревоз, комигьореки гереки фегьмсохи енебуге гереки фегьм сохде э хуне. Иму виниреним, чуьтам эз руз бе руз зевер бирени гъэдер оголзереигьо. Эз руз бе руз зевер бирени гъэдер нечогьгьо комигьореки гереки дегердунде э больнице.

Э шегьер дебе сохдет планови операциегьоре, операциониегьоре гировунденуьт э реанимационни палатегьо. Э и гурунде кор духдиргьош гъэлхэндсуьзуьт. Гьечуь, дуь духдиргьойме, комигьоки дорембируьт кумекире э хуне, нечогъ бирет э и вирусевоз. Еки эз и духдиргьо – э реанимациеи.

Э суьфдеи нубот ме риз кеширенуьм, ки журналистгьо эз одомигьо дузире нисе гуфдиребируьт. Гуйге, коронавирус – и нисдие фикири.

Ишму мие данит, ки одомире, комики вегуьрди и вирусе эз е одомиге, е оринеш, дегь рузиш, чордегь рузиш герми жендек нибу ве нибу э жирейгегьой нишонегьой нечогъи.

Э у гуьре гьеммей эни рузгьо у хэтолуьни эри гьемме одомигьо э киревоз у гоф сохдениге.

Угьо, ки эз 60 сале зевериге, вегуьрденки и вирусе, зинде муьнденуьт 30-35%.

Гъэдер нечогъбирегоргьоре асанти шуморде. Боворинуьм, эгенер э Китай дешенде ни омоге тиже чорегьо, мурдегьо мибосде омбарте эз е миллион одомигьо.

Хьуьрметлуье гьемватанигьо, дорит хуьшдере!

Имуре гереки дебе сохде гIэрусигьоре ве сэхд сохде мечетгьоре, нумазгьоре ве килисегьоре те хубе вэгIэдогьо. Угьо, ки ни доруге карантине, мидануь овурде и вирусе э жэгIмиетлуье жигегьо ве мибу куьшдегор е ченд одомигьо.