Догъисту те программей догазификациеш бу еки эз лап газ гировунде оморигьо регионгьой вилеет. Э у гуьре телгьой гази гировунде оморени э догъгьош. Энжэгъ э гIэрегьой эн республикански инвестиционни программе денишире оморени ки имисал газ гировунде миев э 18 объектгьо э дарази 241 км.

Э товун эну, чуьтам э кор венгесде оморени программе, э товун тозе инфраструктурни газови объектгьо э Догъисту ихдилот сохди веровундегор гъэрхундигьой эн министр энергетикере гьемчуьн эн тарифгьой Республикей Догъистуре Р.Мурадов.

• Пуьрсуьшгьой газрасундеире, газе гировундеире гьемчуьн эн догазификацие эн могьлугълуье жигегьоре – еки эз лап вожиблуьгьои эри социальни-экономически параменд сохдеи Республикей Догъистуре,- гуфдирени у.- Э республикей иму омори десдей эн ПАО «Газпром», комиреки рэхьбери сохдебу жигегир эн сернуьш хьуькуьм, бэхшвегир Меслэхьэт эн рэхьбергьой эн хьуькуьметлуье идоре В.Маркелов. Омореи эну имуре дорени боворини, ки гьемме нушу доре оморигьо пуьрсуьшгьо гъэрор сохде миев. Э гIэрей гирошдигьо вохурдеигьо бесде оморебу кимигьо игъролномегьо, э и хьисоб э товун сукте сохдеи административни коргьоре эри э гуьнжо овурдеи ихдиери сэхьиблугъи хунегьоре, офдоренуьтгьо э программей догазификации хунегьоре.
• Чуьжире чорегьоре гъобул сохди министерствой ишму эри э кор венгесдеи программей догазификациере эри эни вэхд?
• Гьееки э администрацией эн муниципальни районгьоревоз гьемчуьн эн шегьергьоревоз Министерство хьозуьр сохди ве тогIин сохди план-графикгьой эн догазификацией Догъистуре. Э у план дешенде омори могьлугълуье жигегьой республике, хьисоб хунегьо эже гереки гировунде газе ве нуьвуьсде омори вэхд бегьем сохдеи коргьоре.
  Эзуш бэгъэй, гьемкоркигьой иму эз Министерство жофо гьемчуьн эн социальни параменд сохдеи Республикей Догъистуре, хьозуьр сохдет проект гъэрорномере эри доре жейлее жирей одомигьоре (бэхшвегиргьой эн Буьзуьрге довгIой Ватанире, эн жофоре, шуькестгьоре, косибе кифлетгьоре ве диеш) бэхш вегуьрденуьтгьо э программей эн социальни догазификацие пул эри восдоре газови оборудованиере гьемчуьн эри гировундеи газови сетьгьоре эки серхэд эн хори хуьшде.
• Ихдилот сохит, э комини районгьой Догъисту барасилуь э кор венгесде оморени и программе?
• Те 4-муьн апрель э сайт эн Еклуье оператор эн газе гировундеи фуьрсоре омори 2017 руйбиреигьо эри догазафикацие, эзугьо гъобул сохде омори – 1867, дебе сохде омори – 211. (э сереботи вес нисе сохдеи документгьо).
  Эри газе гировундеи бесде омори 137 игъролномегьо.
• Э фикир ишму гуьре, чуь нисе гьишде э кор венгесде догазификациере?
• Э сереботи эну, ки ООО «Газпром газбэхшсохдеи Догъисту» гъэрхунди республикански бюджете эри кирой эн газови сетьгьо банковски хьисобгьой компание бесде оморебу.
  Имисал э мегь февраль компание «Газпром» ве Хьуькуьм эн Республикей Догъисту бесдет разименди эри доре гъэрхундире.
  Разименди минкин дори вокурде хьисобгьой компаниере, ки э регион диеш зуте э кор венгесде миев и программе.
• Чуьжире мэгIнолуье жиге гьисди жигелуье хуьшден рэхьберисохире э барасилуье э кор венгесдеи программере?
• Э кор венгесдеи программере минкин дорени зевер сохде риз расундеи газе эри одомигьой иму. Вожиблуье везифегьой эн муниципалитетгьо эри барасилуье э кор венгесдеи и информационни-андуьрмиш сохденигьо кори эри мерэгълуь сохде одомигьо эри бэхш вегуьрдеи э и программе.
• Чуьжире газови инфраструктурни объектгьо гьейсэгIэт вокурде оморени э Догъисту?
• Э везифей газ гировундеи э могълугълуье жигегьо ве расундеи муьхкемлуье газрасундеире э гIэрейгьой программей газе гировундеи эз хьисоб федеральни региональни бюджетгьо гьемчуьн эн пулдешендеигьо ПАО «Газпром» э дигьгьо гировундени телгьой газире.
  Меселен, эз хьисоб эн ПАО «Газпром» имисал э план гуьре денишире оморени, ки сер гуьрде миев проектни-изыскательни коргьо эри 55 объектгьо, те эхир сохде миев коргьой гировундеи телгьой газире (22,6 км) ве коргьой технически тозеден сохдеи 9 ГРС: Махачкала Софун-1, Махачкала Софун-2, Карабудахкент, Магарамкент, Манаскент, Хасавюрт-1, Хаджалмахи, Ново-Лидже, Ново-Мехельта.