0

Руз эн Бейдогъ Хьуькмети

29 сал пушо уруссиетлуье серангине бейдогъ гене вегуьрди жигей эн мил- летлуье бейдогъэ. Оммо 26 сал пушо норе омори тозе мигIид – Руз хьуькуь- метлуье бейдогъ Уруссиет, норе оморигьо э 1994-муьн сал. Оммо торих эн се рангине бейдогъ 310 сали.

Дегишигьо эн вилеет иму овурди тозе гIэдотгьо, комигьоре гьелемиш кимигьо не варасиренуьт. Базар не бисдо у азади, коми гуфдири эз хэлгъ «перестройщикгьо», алвер дешенди омбаре одомигьоре э есири, эз коми кимигьо не дануьсдени ведиреморе ченд сал. Чуь бие сохде биёв? Эри бире азад хэлгъ бие вэхизу эз сугърезанигьо, песде вокуну азад- луье жэгIмети. Э тозе идеологиеревоз омори торихлуье атрибутгьо эн Хьукуьм Уруссиет – дуьсер суьмуьргъуш не серанги бейдогъ, нушу доренигьо азадлуье эз пушотоинегьо стереотипгьо республике. Бире бу эри одоми эн Уруссиет бей- догъ Хьуькмети символ эн вилеет? Иму эдем фикир сохденим ки евош-евош э муьвэхь эн одомигьо у бейдогъ дарафди. Омореки миллетлуье пушобер Вла- димир Путин гъуьздуьрмеи эн вилеет ги- рошди, у эз хов хэбер бири, вилеет иму бисдо гъувотлуь. Э расдеки эри гьеммей- му бейдогъ эн Хьуькмети гьисди лап во- жиблуьни. Э се ранг эн бейдогъ дери гьи- нери, игиди, рэхьмети, бофои, муьгьбети эн хэлгъ уруси. Догъисту гьисди э гъэриш эн Уруссиет. ЖэгIмиет эн Догъисту фикир сохдени ки чуькле миллетгьо эдее гIов доре келе вилеете, э Уруссиетгьо гьеммише зигьисдени э шолуми, хьэрмехи ве рази биреи. Гьемме миллетгьо омбаре салгьо зигьисденуьт э гъэриш келе вилеет Урус- сиет, чуьн келе хьэрмехьие кифлет. И гьисди еклуьи. Ватан хуьшдере эз гIэиллиревоз бие хогью эз школе. Биё келетегьоре хьуьрмет гиру, келе-чуькле чуьниге варасуь, кумеки соху дуь э еки, гIэилгьо мие дануь чуь гьисдиге номус. Нубодорегоргьо не кифлет мие бурмуну э нишоней хуьшде, чуьтам торих хуькуьмете бие гируь. Эз келетегьо бие нишоне вегируь. Торих кифлет эн хуьшдере бие дануь не торих миллет хуьшдере. Умогьой хэлгъ эн гьеммей вилеет иму мибу би- михьтожи, гьинерлуь, текебур. Неденишире, ки имисал э Руз Хьуь- куьметлуье Бейдогъ Уруссиетлуье Федерацие ни гирору гешдеигьо ве межлуьс- луье мероприятиегьо. Омбаре мероприятиегьо имисал мигиреру э онлайн тегьер. Бинелуье везифей комигьоки гьисди ихдилот сохде эри зигьисдегоргьой вилеет торих эн мигIиде ве мэгIэнои эн хьуь- куьметлуье нишонегьой Уруссиет.

admin

Добавить комментарий

Ваш e-mail не будет опубликован. Обязательные поля помечены *