0

Дегишигьоре э Конституцие

Сернуьш Меслэхьэт келетегьо эки Сервор Республикей Догъисту А.Магомедов андуьрмиш сохди дегишигьоре э Конституцией Уруссиетлуье Федерацие.

Гъонуне э товун дегишигьо э Конституцие гъул кешири Президент Уруссиетлуье Федерацие В.В.Путин 14-муьн март, бэгъдовой бегельмиши парламентгьой субъектгьой вилеетевоз.

Э гофгьой сернуьш Меслэхьэт келетегьо эки Сервор Республике Догъисту А.Магомедов гуьре, э товун себеб пандемие вирус COVID-19 сесдореи гировунде оморебу те хуб бире эпидемиологически овхьолет э вилеет.

Э гIэрей пуьруьшсохи дегишигьо, э гофгьой А.Магомедов гуьре, очугъ бирени, ки дегиш мибу эз 70% те 80% эз кор сохденигьо гъонунгьой Уруссиетлуье Федерацие. Э и хьисоб ве зиедсохигьо э угьо э ер овурдени э товун эну, ки Уруссиете гьисди ворис СССР. А.Магомедов гуфди, ки вожиблуьи эни дегишигьо дери э у, ки э биней эну дешенде омори торихлуье дузгунлуьи ве торихлуье расди.

Дегиши э товун эну дешенде омори эки дуьимуьн хундеи гъонунепроекте э товун дегишигьо э Конституцие.

admin

Добавить комментарий

Ваш e-mail не будет опубликован. Обязательные поля помечены *